Dawletmuratov Adilbay Mirzabaevich

Tovardıń tutınıw qunı sonnan ibarat, ol adamlar ushın paydalı esaplanadı. Ol jeke tutınıw buyımı yamasa óndiris quralları sıpatında adamlardıń qandayda mútájligin qanaatlandıradı.
Tovardıń almasıw qunı – bul qandayda túrdegi paydalılıqtıń basqa túrdegi paydalılıqqa almasatuǵın muǵdarlı salıstırması. Mısalı, bir balta 20 kg dánge almasadı. Almasatuǵın tovardıń bul muǵdarlı salıstırmasında olardıń almasıw qunı sáwlelenedi.
Tovardıń eki qásiyetke iye bolıwına sebep tovar islep shıǵarıwshınıń miyneti tábiyatı boyınsha eki jaqlama ekenliginde. Bir tárepten, bul – málim bir túrdegi anıq miynet. Sonlıqtan, tutınıw qunın jaratqan miynet anıq miynet dep ataladı.
Ekinshi tárepten, miynet – anıq formada bolıwına qaramastan, ulıwma sarplanǵan insannıń jumıs kúshi, jámi jámiyetlik miynettiń bir bólegi ekenligi. Ol óziniń sol tárepi boyınsha abstrakt miynet dep ataladı. Bul miynet bolsa tovardıń qunın jaratadı.
Tovarlar qunınıń muǵdarı miynet ónimdarlıǵına qarap ózgeredi. Bizge málim miynet ónimdarlıǵı málim bir jumıs waqtı birligi dawamında islep shıǵarılǵan ónimniń muǵdarı yamasa ónim birligin islep shıǵarıw ushın jumsalǵan jumıs waqtı menen ólshenedi. Miynet ónimdarlıǵınıń ózgeriwi tovar birligi qunınıń ózgeriwine sebep boladı. Miynet ónimdarlıǵı ósse, tovar birliginiń qunı kemeyedi yamasa kerisinshe, miynet ónimdarlıǵı páseyse, tovar birliginiń qunı artadı.

2. lekciyanıń jobası:

1. 
   Qunnıń miynet teoriyası hám keyingi qosılǵan muǵdar paydalılıǵı teoriyaları
   
2. 
   Puldıń kelip shıǵıwı, mánisi hám wazıypaları
   

1. Qunnıń miynet teoriyası hám keyingi qosılǵan muǵdar paydalılıǵı

teoriyaları
Ekonomikalıq teoriya páninde tovar qunınıń tiykarın ne quraydı degen sorawǵa juwap beriwde eki baǵdar bar hámde olar ortasında turaqlı túrde tartıslı pikir alısıwlar bolıp kelmekte. Biz tómende sol eki baǵdardaǵı teoriyalardıń mazmunın keltirip ótemiz.