Bulardan tashqari, tovush o'zgarishlarining yana quyidagi ko’rinishlari mavjud

AL va KHK darsligida inkor bog‘lovchisi ko‘rsatimagan.
Bog‘lovchilarning uslubiy xususiyatlari
Har qaysi guruhga mansub bo‘lgan bog‘lovchilar bir-biridan uslubiy xoslanishiga egaligi bilan farq qiladi.
Biriktiruvchi bog‘lovchi sifatida oddiy sozlashuv uslubida ko‘proq bilan(minan) ko‘makchisi ishlatiladi. Va,ham,hamda yordamchilari esa yozma nutq uslublari uchun xoslangan.
Zidlov bog‘lovchisi sifatida so‘zlashuv uslubi uchun ammo, lekin bog‘lovchilarining birikkan holda ammo-lekin (ammolek) shakli ko‘proq ishlatiladi. Lekin bog‘lovchisining lek, vale (valekin) shakllari ham badiiy uslub uchun xoslangan.
Ayiruv bog‘lovchilaridan yoxud, yoinki yozma nutq uslubi (publitsistik, badiiy uslub) dagina qo‘llanadi.
Aniqlov bog‘lovchilari faqat yozma nutq uslubida qo‘llaniladi.
Sabab bog‘lovchilaridan chunki, shu sabab, shu tufayli ko‘proq yozma nutq uslubida qo‘llaniladi.
Shart bog‘lovchilaridan garchi yozma nutq uslubi uchun xoslangan.
Chog‘ishtiruv bog‘lovchilaridan xuddi uslubiy betaraf, go‘yo yozma nutq uchun xoslangan.

YUKLAMA

Ona tili (5-sinf)
Ayrim gap bo‘lagi yoki butun gapning mazmuniga qo‘shimcha ma’no yuklash uchun xizmat qiluvchi yordamchi so‘zlarga yuklama deyiladi. Yuklamalar so‘z-yuklamalar va qo‘shimcha-yuklamalarga bo‘linadi. So‘z-yuklamalr o‘zi qo‘shilayotgan so‘zdan doimo ajratib yoziladi. Qo‘shimcha-yuklamalar esa o‘zi qo‘shilayotgan so‘zga qo‘shib yoki undan chiziqcha bilan ajratib yoziladi. –mi, -oq (-yoq) yuklamalari o‘zi qo‘shilayotgan so‘z bilan qo‘shib yoziladi. Masalan: Keldimi? Senmi? keliboq, kelsayoq kabi. –chi, -u(-yu), -a(-ya) yuklamalari o‘zi qo‘shilayotgan so‘zdan chiziqcha bilan ajratib yoziladi. Masalan: Sen-chi? Ayt-chi? Keldi-yu ketdi. Borgin-a?
Ona tili (7-sinf)
So‘z yoki gaplarga so‘roq, ta’kid, ayirish-chegaralash, gumon, o‘xshatish, inkor kabi ma’nolarni yuklovchi so‘z va qo‘shimchalarga yuklamalar deyiladi.
Yuklamalarga: 1) axir, hatto, faqat, ham, xuddi, go‘yo, go‘yoki, naq, hech, sira, nahotki so‘zlari; 2) –mi, -chi, -gina (-kina, -qina), -dir, -u, -yu, -da, -a, na…, na… singari qo‘shimchalar kiradi.
Ularning birinchi guruhi so‘z – yuklamalar, ikkinchi guruhi esa qo‘shimcha – yuklamalar sanaladi.