Bulardan tashqari, tovush o'zgarishlarining yana quyidagi ko’rinishlari mavjud

AL va KHK darsligida o‘xshatish-qiyoslash yuklamasi ko‘rsatimagan.

Yuklamalardan –ku,na...na yuklamalari yozma nutq uslubi uchun xoslangan bo‘lsa, qolganlari uslubiy betaraf yuklamalar sanaladi.

Ham yuklamasi bog‘lovchi vazifasida ham qo‘llaniladi. Shunday vaqtda qaysi vazifada (yuklama yoki bog‘lovchi vazifasida) kelayotganligini farqlash kerak bo‘ladi.
Ikkita o‘zaro teng munosabatga kirishgan so‘zlarni bog‘lab, va bog‘lovchisi bilan almashtirish mumkin bo‘lsa, ham bog‘lovchi vazifasida qo‘llangan bo‘ladi. Ham yordamchisi qo‘llanilgan jumla tarkibiga hatto yordamchisini ham qo‘llash mumkin bo‘lsa, ham yordamchisi yuklama vazifasida, ya’ni o‘z vazifasida qo‘llanilgan bo‘ladi. Solishtiring: Soli ham Karim keldi. Hatto Karim ham keldi.
Yuklamalardan -mi, -gina (-kina,-qina), -oq(-yoq) o‘zi qo‘shilayotgan so‘zga qo‘shib yoziladi. Qolganlari o‘zi birikib kelayotgan so‘zdan chiziqcha bilan ajratib yoziladi.
Ko‘p o‘rinda bir yuklamaning o‘rnida ikkinchisini almashtirish mumkin bo‘ladi. Masalan, Faqat (yolg‘iz) sen kelmading.
Eslatma: -gina, (-kina, -qina) shakllari ot, sifat, ravishga qo‘shilib, ma’noni kuchaytirish, erkalash, ta’kidlash uchun ishlatiladi. Masalan, ukaginam, qizgina, yaxshigina, sekingina, ko‘pgina, ozgina va boshqalar.
ORALIQDAGI SO‘ZLAR
Modal so‘zlar
Ona tili (7-sinf)
Ifodalanayotgan fikrga so‘zlovchining munosabatini (ishonch, gumon, achinish kabi) bildirgan so‘zlarga modal so‘zlar deyiladi.
Modal so‘zlar gap tarkibida boshqa so‘zlardan vergul bilan ajratiladi.
Modal so‘zlar bayon qilinayotgan fikrga so‘zlovchining ishonch, gumon, quvonch, afsuslanish munosabatlarini yoki fikrning tartibi, xulosasini bildiradi.

Modal so‘zlarning ma’nolari	Modal so‘zlar
Ishonch	Albatta, shaksiz
Gumon	Ehtimol, balki, chamasi, shekilli
Tasdiq	Darhaqiqat, haqiqatan
Fikrni xulosalash	Xullas, demak, umuman, alqissa
Fikrning tartibi	Avvalo, avvalambor
Fikrning dalillanishi	Masalan, jumladan
Achinish	Attang, afsus
Quvonch	Xayriyat

Modal so‘zlar ham sof modal so‘zlar va vazifadosh modal so‘zlarga bo‘linadi.

Faqat modal ma’no uchun xoslangan so‘zlar sof modal so‘zlar sanaladi: haqiqatan, darhaqiqat, afsuski, attang, albatta, shekilli, avvalo, avvalambor, xullas, koshki, masalan kabi.
Modal ma’noda ham qo‘llangan aftidan, chamasi, balki, umuman, ehtimol, taxminan, shubhasiz singari so‘zlar vazifadosh modal so‘zlar hisoblanadi.