Бугунги кунда жаҳонда туризм масалаларига ҳар қачонгидан кўра катта аҳамият берилмоқда

Туристик техниканинг асосий элементлари паст-баланд жойларда югуриш, тўсиқлардан арқон ва оддий мосламалардан қилинган воситалар ёрдамида ўтиш, шикастланган пайтда биринчи ёрдам бериш, карта (схема) бўйича жойларни белгилаш, азимут бўйича юриш, чодирларни вақтида қуриш, рюкзакка керакли буюм ва жиҳозларни жойлаштириш, овқат пишириш, чой қайнатиш, деворий газета тайёрлаш, фотоалбомларни намойиш қилиш кабилардир.
Ана шу элементлар туристик мусобақа ёки слётларда бажарилади.
Туризмнинг элементлари бўйича мусобақани бир жамоанинг ўзи ҳам ташкил қилиш мумкин. Бунда бир неча жамоа ташкил қилшига тўғри келади. Жамоалар тузиш имкони бўлмаганда намуна сифатида 10-15 туристнинг иштирокида мусобақа ташкил қилинади. Бундай мусобақалар ўқувчи ва туристларнинг жисмоний тайёргарлигини ошириш, туристик малака ҳосил қилиш, йирик мусобақа ёки слётларга тайёрланиш мақсадида мактаб туризм секцияларида йил давомида мунтазам ўтказилади. Бундай мусобақалар талабга жавоб берадиган табиий шароитларда ташкил қилинади.
Мусобақаларни яқинроқ дарё соҳиллари, жар, тепа ёки унча баланд бўл-маган тоғ зоналарида ўтказишни мўлжаллаш лозим. Бундай шароитлар бўл-маган пайтларда, баҳор, куз ҳамда каникул вақтларида 2-3 кунлик поход таш-кил қилиш, асосий манзилга етгач, мусобақаларни уюштириш керак бўлади.
Туристик техника бўйича мусобақа туман ёки шаҳар миқёсида ташкил қилинади. Туристик мусобақаларнинг энг йириги слёт ҳисобланади.







12-расм. Арқонни қояга мустаҳкамлаш усуллари.



12а-расм. Арқонни танага боғлаш усуллари.


Слёт туристларнинг катта анжумани, йиғинидир. Слёт асосан туман, ша-ҳар, вилоят, республика миқёсида махсус низом асосида ўтказилади. Мактаб ўқувчиларининг туристик слётлари, касаба уюшма ва халқ таълими органлари томонидан ташкил қилинади. Бошқа ташкилот, муассаса ва таълим муассасаларида ташкил қилинган туристик слётларга ҳам тегишли спорт жамиятлари, туризм кенгашлари раҳбарлик қилади. Слёт ўтказишдан бир неча ой илгари низом ишлаб чиқилади ва тегишли жойларга юборилади. Низом асосида таълим муассасалари, ташкилотлари, муассасалар жамоа тайёрлайди.