Бугунги кунда жаҳонда туризм масалаларига ҳар қачонгидан кўра катта аҳамият берилмоқда

Туристик техника бўйича мусобақаларни ташкил

қилиш ва ўтказиш.
Умумтаълим мактаб ўқувчилари, касб-ҳунар коллежлари, академик лицейларнинг ўқувчи-ёшлари ҳамда олий таълим тизимидаги талабалар, хизматчиларнинг оммавий пиёда юриш саёҳатларида турли хил мусобақалар ўтказишнинг асосий мақсади қуйидагидек бўлиши мумкин.
1. Саёҳат иштирокчиларининг жисмоний сифатларини такомиллашти-риш, касб-ҳунар билан боғлиқ амалий фаолиятларни мустаҳкамлаш.
2. Пиёда юришларда жисмоний қобилиятларни синовдан ўтказиш, “Алпомиш” ва “Барчиной” махсус тестлари талабларини бажариш.
3. Туризмга бўлган қизиқиш ва ҳавасларни янада ошириш, уларни кенг тарғибот қилиш.
4. Ижтимоий меҳнат қилиш (қишлоқ, ўрмон хўжалиги, қўриқхоналар ва б.қ) йўли билан аҳолига кўмак бериш, табиатга таҳдид солувчиларга қарши курашиш ёки унинг олдини олиш.
5. Ватан ҳимояси учун мудофаа ишларида хизмат қилишга тайёргарлик, махсус жисмоний машқларни амалда бажариш билан малака ҳосил қилиш.
Туристик саёҳатлар, юришларда хилма-хил мусобақалар, слётлар ташкил қилинади. Катта ёшдаги кишиларнинг саёҳатлар жараёнида спортнинг волейбол, футбол, бадминтон, сувда сузиш каби турларидан оддий қоидалар бўйича мусобақалар, кўнгил очиш тадбирлари ташкил қилинади. Турли ҳаракатли ўйинлар уюштирилади. Баландликларга чиқиш, тушиш, чодирларни тез ўрнатиш, овқат пишириш кабилар бўйича ҳам мусобақалар, эстафеталар ташкил қилинади. Туристик саёҳатлар ва юришлар давомида ташкил этиладиган турли мусобақалар ҳам аввалдан тайёрланган бўлиб, махсус режа ёки низом асосида ўтказилади.
Мактаб ўқувчиларининг барча саёҳат ва юришларида йўлда юриш тартиби, атрофларни кўздан кечириш, жойларни ўрганиш, музей ва диққатга сазовор жойларни томоша қилиш, схема тузиш каби тадбирлар билан биргаликда туристик мусобақалар ҳам ташкил қилинади.
Мактаб ўқувчиларининг туризм бўйича мусобақалари туристик техника ва слёт ҳисобланади.

3. 
   Туризмни ўқитиш жараёнида янги педагогик технологиялардан фойдаланиш