Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

13.7.Вокзал ишини ташкил қилиш

Вокзалнинг технологик иш жараёни қуйидагиларни ўз ичига олади:

-техникавий таърифи (характеристикаси) вокзал иморатлари ва майдонининг бош плани, перрон йўллари, платформалари ва бошқа қурилмаларининг таърифи;
-вокзалнинг ишлаб чиқариш таърифи: бунда бир суткада қабул қилинадиган ва жўнатиладиган узоқ масофага қатновчи, маҳаллий ва шаҳар атрофида қатновчи поездлар сони, шу поездларда жўнаб кетадиган ва келадиган йўловчилар сони, багаж ва қўл юкларини сақловчи автоматлар сони, вокзалдаги бошқа маиший хизмат кўрсатиш тартиби;
- йўловчиларга чипталарни сотиш тартиби;
- вокзал хоналарини тозалаш жадвали;
- вокзал ишчиларини моддий рағбатлантириш тартиби;
- вокзални келгусидаги ривожи режаси;
Технологик иш жараёнини тузишдан ёки ўзгартириш вақтидан олдин хронометраж кузатишлар ўтказилади, йўловчилар оқимини ўрганилади ва турли ишларни бажариш вақтлари ҳисоблаб чиқилади, чипта сотувчи кассалар сони аниқланади ва янги технологик иш планига киритилади.
Бир вақтда бўладиган вокзал ичидаги йўловчилар сонига қараб вокзал бинолари қуйидаги туркумларга бўлинади:
Энг катта вокзаллар(25 минг м³ ҳажмдаги);
Катта вокзаллар (13-25 минг м³ ҳажмдаги);
Ўтрача вокзаллар (5-13 минг м³ ҳажмдаги) ва кичик (5 минг м³ гача ҳажмдаги).
Вокзалнинг йўловчиларга хизмат кўрсатиш сифати хоналарининг шинамлиги, касса хоналарининг ишлаши, болалик оналар учун ажратилган хоналарнинг ишлаши ва бошқа йўловчиларга хизмат кўрсатувчи корхоналарнинг ишига боғлиқ.


14 боб. Темир йўл йўловчи тарифлари


14.1. Тарифларнинг тузилиш схемаси

Тариф чиқимларини (йўл ҳақи пулини) ҳақиқий йўл узунлигини ҳисобга олиб йўловчидан йўл ҳақи чиптада кўрсатиш билан аниқланади. Бунинг учун йўловчи поездларининг қатнов йўллари аниқланади ва йўловчилар учун китобчалар шаклида босмадан чиқариб кўрсатилади.

Йўл ҳақи пули йўловчининг қайси вагонда кетишини назарга олиб ҳисобланади. Ўтириб кетиш учун умумий вагонларда, ётиб кетиш жойли плацкарт, қаттиқ купели ва юмшоқ купели (тўрт ўринли, ёки икки ўринли) вагонлар, поезд туркуми ва масофанинг узунлигига қараб пул олинади.