Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

13.4. Йўловчиларга хизмат қилиш учун темир йўлларнинг техника воситалари ва иншоотлари

Йўловчилар ҳаракатини ташкил қилиш учун темир йўлларда махсус иншоотлар ва техника воситалари бўлиши шарт. Буларга қуйидагилар киради; йўловчиларни ташиш учун вагонлар ва махсус локомотивлар, йўловчи шаҳар атрофида қатновчи поездларнинг тўхташ пунктлари, вокзал қурилмалари комплекси, йўловчиларнинг поездларга чиқиши ва тушиши учун платформалар ва ер ости йўлаклари.

Йўловчи поездларнинг станциялардан ташқари тўхташ жойлари орасидаги масофа 2-3 км га тенг бўлади. Бу пунктлрда йўловчилар учун вагонга чиқиш ва тушишда юқори баландликдаги (1100 мм) ва паст (200мм) платформалар қурилади ва йўловчиларга чипта сотадиган касса ва усти берк енгил типдаги бино қурилади.
Йўловчи поездларни тортиш учун юқори тезликда юрадиган локомотивлар (электровоз ва тепловозлар)дан фойдаланилади. Бу локомотивлар 3-4 минг от кучига эга ва 120-160 км/соатига тезлик билан юриш қобилиятига эгадирлар. Келгусида йўловчи поездларини 180-220 км/соатига тезликда юриши учун 6000-8000 от кучига эга бўлган локомотивларни қуриш кўзда тутилган.
Моторвагонли ва дизель поездлари шаҳар атрофида йўловчиларни ташиш учун ЭР1 (ЭР2), ЭР(22), ЭР9, ЭР-11 турдагилардан фойдаланади. Бу поездлар 120-130 км/соат тезлик билан юриш қобилиятига эга.
Йўловчилар учун катта қулайликка эга бўлган шинам юмшоқ курсили вагонлар инсонга қулайлик туғдиришдан ташқари, катта тезликда юриб соғлиқни сақлашга ярайди.
Бу вагонларда шамоллатиш, иситиш ва ҳавони мўтадиллаштириш воситалари билан бирга, янги ёритгичлар ва радио точкалари ҳам бор.
Йўловчиларга хизмат кўрсатиш учун станцияларда чипталар сотувчи кассалар, кутиш заллари, буфет, ресторанлар ҳам бўлиб, локомотивларни йўлга шайламоқ учун керак бўлган ускуналар ва қайтишга тайёрлов пунктларига эга. Булардан ташқари йўловчилар поездларини кутиш учун керакли йўллар, алоқа воситалари, йўловчилар юкини вақтинча қўриқлаш учун хоналар, вагон ва тўшакларни дензинфекция қилиш жойлари ва бошқа турли хизматчилар учун керак бўлган хоналар бор.
Темир йўл бинолари (вокзаллар) ҳамма станцияларда ҳам бўлиб хизмат кўрсатиладиган йўловчилар сонига қараб қуйидаги тоифаларга бўлинади.

Вокзал бинолари	Нечта йўловчига мўлжалланган(киши)
Катта	900-1500
Ўртача	300-900
Кичкина	25-300