Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

II Бўлим. Йўловчилар ташишни ташкил қилиш


13 боб. Йўловчилар ташишни ташкил қилиш

Ўзбекистон Республикаси президентининг 2001 йил 2 мартдаги «Темир йўл транспортини акционерлик жамиятига айлантириш ва монополиядан чиқариш чора тадбирлари тўғрисида»ги Фармони ва Ўзбекистон Республикаси Вазирлар махкамасининг 2001 йил 3 мартдаги «Ўзбекистон темир йўллари» давлат акциядорлик компанияси бошқарувини ташкил этишни такомиллаштириш тўғрисидаги Қарори темир йўллардаги ислоҳотларга Янги туртки берди. Бу ҳужжатларда йўловчиларни ташиш соҳасида бозор инфратузилмаси ва ва рақобат муҳитини яратишга алоҳида эътибор берилган.

1994 йил 7 ноябрда «Ўзбекистон темир йўллари» давлат акциядорлик компанияси (ЎТЙ ДАК) ташкил қилиниб «Йўловчилар темир йўл транспортини такомиллаштириш» 2001 йилда лойиҳаси тугатилиб, қабул қилинди.
1998 йилда темир йўл компаниясининг буйруғи билан «Ўзтемирйўлйўловчи» корхонаси ташкил этилиб, 2002 йилда «Ўзтемирйўлйўловчи» очиқ акциядорлик жамиятига (ОАЖ) айлантирилди.
Унинг олдига йўловчи темир йўл транспорти фаолиятини тубдан яхшилаш ва йўловчиларга хизмат кўрсатиш маданиятини юксалтириш вазифаси қўйилди.
«Ўзтемирйўлйўловчи» ОАЖ асосий фаолияти тури бўйича 7 та худудий бўлимга (Тошкент, Самарқанд, Хоразм, Сурхандарё, Қашқадарё ва Оролбўйи) эга бўлиб, улар вилоятлар ва Қорақалпағистон Республикасида жойлашган. Бундан ташқари, унинг таркибига жамоат овқатланиш, йўловчи поездларида йўловчиларга хизмат кўрсатиш ва жиҳозлаш бўлимлари, темир йўл агентлиги, тижорат ишлари. Туризм юк (багаж) ташиш бўлими киради. Йўловчи поездларини бошқариш учун 40 млн. АҚШ долларига Хитойдан 12 та электровоз сотиб олинди.
Йўловчи хўжалигини ривожлантиришнинг маркетинг стратегиясини амалга ошириш учун ҳам Республикамизда, ҳам яқин ва узоқ хориж мамлакатларида жойлашган турли вагонсозлик корхоналарининг таклифлари ўрганиб чиқилди.
Тадқиқот натижаларига кўра Япония кредити маблағларига Германияда 25 та йўловчи вагонлари харид қилинди ва улар асосида ҳар томонлама қулайликларга эга бўлган «Тошкент-Москва» (№ 5/6) поезди составлари шакиллантирилди.
«Ўзбекистон темир йўллари» чет эл туристларини жалб этиш мақсадида Ҳалқаро туристик ярмаркада қатнашиб модернизация қилинган йўловчилар вагонларини намойиш қилди. Хозирги вақтда Тошкент – Саратов, Тошкент – Харьков поездлари қатнови йўлга қўйилди.
Республика йўловчиларига қулайлик туғдириш мақсадида Тошкентдан Бухоро, Нукус, Термиз ва Урганчга ҳам поездлар қатнамоқда.
Мамлакатимизнинг саноат ва маданият марказларини ўзаро боғловчи Қўқон- Наманган, Бухоро-Навоий, Навоий- Самарқанд, Қарши –Китоб янги поездлари йўлга чиқарилди.
Давлат акциядорлик компанияси (ДАК) темир йўллар тармоғи ривожлантирилиши, Россия маркази, Шарқий ва /арбий Европага янги йўлларнинг очилиши йўловчилар ташишни ривожлантириш учун янги имкониятлар яратмоқда.