“bozor iqtisodiyoti nazariyasi-rivojlangan mamlakatlar bozor tajribasi”

 
 
Nazorat savollar: 
1. AQSHning jahon bozor iqtisodiyotidagi yyetakchi o`rni va buni 
belgilovchi asosiy ko`rsatkichlari nimalardan iborat. 
2. Milliy xo`jalikda nomoddiy ishlab chiqarish ustuvorligini ko’rsatib 
bering? 
3. AQSHning jahon bozor iqtisodiyotidagi o’rni.
4. Demokratik xalqchanlik iqtisodiyotining xususiyatlari nimalardan iborat? 

---

83 
5 - BOB. GERMANIYADA BOZOR IQTISODIYOTI TAJRIBSI 
REJA: 
5.1. Germaniya iqtisodiyoti salohiyati
 
5.2.Ijtimoiy bozor xo`jaligi modeli 
5.3. L. Erxardning “Iqtisodiy ravnaq” dasturi
5.4. G`arbiy va Sharqiy Germaniyaning qo`shilishi bilan bog`liq iqtisodiy 
muammolarning xal qilinishi 
5.5. Hozirgi davr Germaniya iqtisodiyoti o`sishining muammolari va Shreder 
dasturi 
Tayanch so’z va iboralar 
Integratsiya, kapital, eksport,importi,milliy iqtisodiyot, inson kapitali, 
Milliy iqtisodiy model 
 
5.1. Germaniya iqtisodiyoti salohiyati 
Iqtisodiy taraqqiyot bo`yicha Germaniya eng yyetakchi mamlakatlardan 
hisoblanadi. Sanoat, ishlab chiqarish miqyosi bo`yicha dunyoda AQSH, Yaponiya 
va Xitoydan keyingi o`rinni egallaydi.
YAIM bo`yicha jahonning 4,6 foizini tashkil etadi. Jon boshiga YAIMning 
to`g`ri kelishida ham ilg`orlardan bo`lib, birinchi o`nlikdan o`rin egallaydi. 
G`arbiy Yevropaga nisbatan olinsa, barcha tomondan deyarli birinchi 
o`rinda turadi. Aholi 81 mln. kishi. Germaniya jahon xo`jaligi bilan jips 
bog`langan va tashqi savdo bo`yicha eng yirik mamlakatlardan bo`lib, AQSHdan 
keyingi o`rinda turadi. Shu bilan birga kapital eksporti va importi bo`yicha ham 
eng yyetakchilardan hisoblanadi.
Germaniya Yevropa hamkorligi tashabbuskorlaridandir. Hozirgi vaqtda 
Yevropada xalqaro iqtisodiy integratsiyasini kengaytirish va chuqurlashtirish 
tarafdorlaridan hisoblanadi. Milliy iqtisodiyotning sifatliligi bilan ham ajralib 
turadi va mehnat unumdorligi darajasi, kapitallashuv 
va ishlab chiqarishning ilm sig`imliligi kabilar 
bo`yicha dunyoda eng ilg`or mamlakatlardandir. 
Germaniya foydali qazilmalarga boy emas. 
Shuningdek qishloq xo`jaligi uchun ham ortiqcha 
yaxshi sharoitlarga ega emas. Shunga qaramay 
ilmiy-texnik rivojlanish, “inson kapitali”ning yuqori 
sifatliligi, jahon xo`jalik aloqalarida faol qatnashuvi, 
ichki aqlli iqtisodiy siyosatning qo`llab borishligi 
natijasida ulkan iqtisodiy salohiyatni yarata olgan. 
Aholi miqdori to`xtovsiz o`zgarib turadi. Aytaylik, birinchi va ikkinchi 
jahon urushlarida aholi ancha qisqargan. Shu bilan Ikkinchi jahon urushidan keyin