"bank ishi" kafedrasi

 
3.Mikrokredit tashkilotlari faoliyatining asosiy yo’nalishlari 
O‘zbekistonda iqtisodiy islohotlarni chuqurlashtirishning ustuvor yo‘nalishlaridan 
biri - aholi bandligini ta’minlovchi va ularning turmush farovonligini oshiruvchi, 
mamlakat yalpi ichki mahsulotining salmoqli qismini yaratuvchi, iqtisodiyotning muhim 
sektori hisoblangan - kichik biznesni yanada rivojlantirish hisoblanadi. 
Aynan, kichik biznes korxonalari iste’mol talabining o‘zgarishiga tez fursatda moslasha 
olish hamda vujudga kelayotgan yangi talablarni yirik korxonalarga nisbatan barvaqt 
qondira olishga ulguradi. Uning ana shunday afzalliklari sabab, rivojlangan mamlakatlarda 
kichik biznes rivojlanishini har tomonlama qo‘llab-quvvatlashning keng tadbirlar tizimi 
amal qiladi va innovatsion faoliyat sohasidagi taraqqiyotining faollashtirilishi muhim 
ahamiyat kasb etadi. SHuning uchun rivojlangan mamlakatlarda kichik biznesning yalpi 
ichki mahsulotdagi, aholi bandligidagi hamda jami korxonalar sonidagi ulushi yuqori 
salmoqni tashkil qiladi. 
Kichik biznes jamiyatimizdagi ijtimoiy va siyosiy barqarorlikni ta’minlovchi, 
yurtimizni taraqqiyot yo‘lidan faol harakatlantiradigan kuchga aylanib bormoqda. 

---

48 
YUrtimizda ushbu sohani rivoji uchun qulay tadbirkorlik muhiti yaratish va uni 
rivojlantirishni rag‘batlantirish bo‘yicha katta ishlar amalga oshirildi va oshirilmoqda. 
Buning natijasida mazkur sohada yil sayin yutuq va iqtisodiy o‘sishga erishildi. 
Kichik biznes sub’ektlari uchun doimo mablag‘ etishmovchiligi ularga bo‘lgan xos 
xususiyatlardandir. Hozirgi kunda tadbirkorlik sub’ektlarining moliyaviy resurslarga 
bo‘lgan ehtiyojlarini qondirishda nobank tashkilotlari muhim o‘rin egallaydi. Bu esa, eng 
avvalo, ushbu tashkilotlar tomonidan tadbirkorlik sub’ektlarini kreditlashning o‘ziga xos 
xususiyatlaridan kelib chiqadi. Kichik biznes sohasini moliyaviy qo‘llab quvvatlashda 
tijorat banklari bilan birga mikrkredit tashkilotlarini g‘am o‘rni oshib bormoqda.