"bank ishi" kafedrasi

 
 
 
 
 
 
 
 
 
 
 

---

4 
1-mavzu: Bank ishi fanining predmeti vavazifalari. 
 
 
Reja: 
1.“Bank ishi” fanining predmeti va metodi.
2. Fanning boshqa fanlar bilan uzviy bog‘liqligi. 
3. Iqtisodiyotni modernizatsiyalash sharoitida fanning maqsadi va vazifalari. 
4. Fanning tarkibiy tuzilishi. 
«Bank ishi» fani kadrlar tayyorlash bo‘yicha Davlat ta’lim standartlarida belgilangan 
talablar asosida ishlab chiqilgan namunaviy o‘quv dastur bo‘yicha o‘qitiladi. 
Fanni o‘qitishning predmeti - bank tizimi va banklar faoliyati bilan bog‘liq jarayonlar, 
metodlari - klassik yondashuv, matematik, analitik-statistik, tahlil, qiyosiy-tahlil va boshqa 
usullar hisoblanadi. 
Bank ishiga ilmiy-amaliy taraqqiyotni o‘zida mujassamlashtiruvchi fan sifatida qarash 
mumkin. Hozirgi kundagi banklar oldingi banklardan ko‘ra, ilg‘or, yangi shakllarda va 
yangi texnologiyalar asosida iqtisodiyotning talablariga mos keluvchi operatsiyalar 
qo‘llash orqali faoliyat olib bormoqdalar. 
talabalar fanni o‘rganish davrida har bir o‘tiladigan mavzu bo‘yicha o‘qituvchi tomonidan 
so‘raladigan “tayanch” ibora, test savollariga javob berib, tegishli masalani echa olishi; 
o‘qish davrida yozma nazorat ishlarini bajarishi va referatlar tayyorlashi; 
fanni o‘zlashtirish natijasida va kelajakda talaba bank faoliyatida bo‘ladigan o‘zgarishlarni 
tahlil qilishni bilishi lozim. 
«Bank ishi» mustaqil fandir. Chunki u o‘zining mustaqil predmeti, ob’ekti va 
metodiga ega. u: 

bank faoliyatining huquqiy asoslari; 

banklarni tashkil etish va ularning faoliyatini tugatish tartibi; 

bank faoliyatini tartibga solish; 

banklarning huquq va majburiyatlari; 

banklarga vasiylik qilish tartibi; 

banklarning moliyaviy ahvoli; 

bank operatsiyalarini amalga oshirish tartiblari; 

pul tizimi hamda pul muomalasini tashkil etish qoidalari; 

valyutani tartibga solish va xalqaro rezervlarni boshqarish; 

banklarni nazorat qilish; 

banklarda hisob yuritish va hisobot; 

bank menejmenti; 

bankning rivojlanish tarixi kabi masalalarni o‘rganuvchi fandir. 
Aynan shular «Bank ishi» fanining