Аскар мактуби

ЛОЙИҲАНИНГ ШАКЛЛАРИ

ЛОЙИҲАНИ ТЕХНИК ЭКСПЕРТИЗАСИ

Тақдим этилган лойиҳалар танлов талабларига қатъий риоя қилинганлиги, лойиҳа материалларининг ишончлилиги ва ҳаққонийлиги, кўчирмачиликка (плагиат) йўл қўйилмаганлиги, олдин бажарилмаганлиги, талаблар асосида шакллантирилганлиги бўйича дастлабки техник экспертизадан ўтказилади.

Лойиҳа ҳужжатлари бўйича техник экспертизанинг салбий хулосаси мавжуд бўлган тақдирда, вазирлик лойиҳани тақдим этган муассасага (ташкилотга) бу ҳақда ёзма равишда маълум қилади. вазирлик томонидан камчиликларни бартараф этиш учун уч иш кунидан кам бўлмаган муддат белгиланади.

Вазирлик лойиҳа талабномада кўрсатилган тартибда асослантирилган хулосани тегишли ташкилотга (муассасага) етказади.

Агар лойиҳа тақдим этган ташкилот (муассаса) вазирлик томонидан аниқланган камчиликларни бартараф этиш юзасидан асослантирилган таклифларни белгиланган муддатда тақдим этмаса, лойиҳа кўриб чиқиш жараёнидан олиб ташланади ва илмий экспертизадан ўтказилмайди. Мазкур ҳолатда лойиҳа ҳужжатлари уни тақдим этган ташкилотга (муассаса) қайтариб юборилмайди ҳамда қонун ҳужжатларида белгиланган тартибда вазирликда сақланади. Лойиҳани тақдим этган ташкилот (муассаса)нинг ёзма мурожаатига асосан лойиҳа ҳужжатлари вазирлик томонидан қайтарилиши мумкин.

Дастлабки техник экспертизадан ўтмаган лойиҳалар танловнинг кейинги босқичига тавсия этилмайди.

Ўзбекистон Республикаси Инновацион ривожланиш вазирлиги

ЛОЙИҲАЛАРНИНГ ИЛМИЙ ЭКСПЕРТИЗАСИ

Лойиҳа талабномаларининг илмий экспертизаси тегишли соҳалардаги фан йўналишлари бўйича тегишли илмий-техник кенгашлар (ИТК) томонидан амалга оширилади. Танлов ўтказилишининг объективлиги, адолатлилиги ва шаффофлигини таъминлаш мақсадида лойиҳаларни қабул қилиш, экспертизасини амалга ошириш, махсус белгиланган хоналарда видеокузатув воситалари (камералар) орқали ёзиб олинади.

Илмий экспертиза лойиҳанинг илмий янгилиги ва амалий аҳамиятини, уни техник жиҳатдан амалга ошириш имкониятларини, шу жумладан моддий-техник базанинг етарли эканлиги, илмий салоҳиятнинг ва илмий жамоанинг илмий натижалари мавжудлигини аниқлаш мақсадида ўтказилади.