Аскар мактуби

Электрон рўйхатдан ўтказилган лойиҳалар 2020 йилнинг 15 апрелига қадар шанба ва якшанба кунларидан ташқари ҳар куни соат 10:00 дан 18:00 гача вазирлик биносида қабул қилинади.

Белгиланган муддатда фан йўналишлари бўйича электрон ва қоғоз шаклларда тақдим этилмаган лойиҳалар танловга қабул қилинмайди.

Ўзбекистон Республикаси Инновацион ривожланиш вазирлиги

ЛОЙИҲАНИ РАСМИЙЛАШТИРИШ ҚОИДАЛАРИ

Қоғоз шаклда тақдим этилган лойиҳалар илмий-тадқиқот институтлари илмий ишлар ва инновациялар бўйича директор ўринбосарлари, олий таълим муассасаларининг илмий ишлар ва инновациялар бўйича проректорлари томонидан тегишли вазирлик ва идоралар раҳбарлари имзолаган йўлланма хати асосида қабул қилинади.

Тақдим этиладиган лойиҳаларга тегишли вазирликлардан лойиҳа мавзуси, унинг бажарилиши ва ундан кутилаётган натижалар Ўзбекистон Республикаси иқтисодиётининг тармоқ ва соҳаларини ривожлантириш учун зарурлиги таъкидланган ҳамда ташкилот Илмий (илмий-техник) кенгашлари томонидан тавсия этилганлиги ҳақидаги қароридан кўчирма илова қилиниши лозим. Кўчирмалар ҳаққонийлиги техник экспертиза жараёнида ижрочи ташкилотлар Кенгаш қарорлари билан солиштирган ҳолда қўшимча тарзда ўрганиб чиқилади.

Ўзбекистон Республикаси Инновацион ривожланиш вазирлиги

ЛОЙИҲАНИ РАСМИЙЛАШТИРИШ ҚОИДАЛАРИ

Лойиҳанинг титул варағида ижрочи ташкилотнинг юридик номи аниқ кўрсатилиши, унинг раҳбари томонидан имзо ва ташкилот муҳри билан тасдиқланиши керак.

Лойиҳада вазирлик томонидан белгиланган фан йўналиши аниқ ёзилиши, илмий раҳбари фамилияси, исми, отасининг исми пасортга тўлиқ мос келиши, ижрочи ташкилот ва лойиҳа раҳбарининг манзили, алоқа учун телефон контактлари, электрон манзиллари аниқ кўрсатилиши лозим.

Лойиҳа номи ва унинг тагида қавс ичида лойиҳанинг тури (амалий лойиҳа, инновацион лойиҳа, тажриба-конструкторлик лойиҳаси) аниқ кўрсатилиши керак.

Лойиҳанинг бажарилиш муддати саноқ сонда кўрсатилади: 2 йил, 3 йил.

Лойиҳанинг умумий молиялаштириш маблағи лойиҳанинг 5-шаклдаги маблағ билан мос келиши ва аниқ кўрсатилиши керак. Агар ушбу бандда бир йиллик маблағ кўрсатилса, лойиҳа ижобий хулоса олган тақдирда шу суммада молиялаштиришга тавсия этилади ёки сўралган маблағ асослантирилмаган деган хулоса беришга асос бўлади.

Ўзбекистон Республикаси Инновацион ривожланиш вазирлиги