Аскар мактуби

Инновацион лойиҳалари қуйидаги талабларга жавоб бериши зарур:

- аввал бажарилган фундаментал ва амалий тадқиқотлар асосида маҳаллий хомашёлардан фойдаланган ҳолда импорт ўрнини босувчи, экспортга мўлжалланган янги маҳсулот ва технологияларни яратиш, мавжудларини сифат жиҳатидан такомиллаштириш, таннархини пасайтириш, меҳнат бозорида янги иш ўринларини яратишни таъминлаш;

• кейинчалик улардан амалиётда фойдаланиш мақсадида амалга ошириладиган конструкторлик, тажриба намуналари, асбоблар, материаллар, буюмлар ва бошқа илмий ишланмаларни лойиҳалаш, тайёрлаш ва синовдан ўтказиш, ривожлантириш билан боғлиқ тажриба-конструкторлик ишларини бажариш;
• юқори технологияга асосланган маҳсулотлар намуналари ёки прототипларини яратиш ва/ёки тажриба-лаборатория технологиясини татбиқ этиш, илмий ҳажмдор маҳсулотни ишлаб чиқаришга тайёрлаш, иқтисодиёт тармоқлари ва ижтимоий соҳада қўллаш учун янги турдаги хизматларнинг тажриба-синовини ўтказиш (соғлиқни сақлаш, банк-молия сектори ва бошқалар).
• Инновацион лойиҳаларни амалга оширишнинг энг кўп муддати икки йилгача бўлиши мумкин.
• Инновацион лойиҳалар танловида қатнашувчи илмий жамоанинг раҳбари илмий даражага эга бўлиши шарт.

Ўзбекистон Республикаси Инновацион ривожланиш вазирлиги

ЛОЙИҲА МАВЗУСИНИ ШАКЛЛАНТИРИШ

Лойиҳа мавзусини шакллантиришда эътибор қаратиш шарт бўлган асосий талаблар:

Ўзбекистон Республикаси Президентининг 2018 йил 18 июлдаги ПҚ-3855-сон қарорига мувофиқ илмий фаолиятга оид давлат дастурлари доирасида бажарилган амалий ва инновацион тадқиқотлар натижалари улар якунланганидан сўнг тўлиқ тижоратлаштирилиши шартлигидан келиб чиққан ҳолда лойиҳа мавзусида лойиҳа натижасида кутилаётган маҳсулот аниқ кўрсатилган бўлиши керак. Яъни мавзуда “такомиллаштириш”, “жадаллаштириш”, “услублари”, “хоссалари”, “хусусиятлари”, “ўрганиш”, “тадқиқ қилиш”, “таҳлил қилиш”, “механизмлари”, “оптималлаштириш”, “луғат ёки ўқув қўлланма ишлаб чиқиш” сўзларидан фойдаланмасдан, аниқ технология яратиш, ишлаб чиқиш, янги нав, тур, прототип, моделларнинг янги авлодини яратиш, 3D ва 4D технологиялари асосида ўқув қўлланмалар яратиш, электрон вертуал портал, хизматлар платформасини ишлаб чиқиш каби масалалар акс этган бўлиши керак.