Ҳар бир муассасанинг фаолиятидаги са­марадорлик, биринчи навбатда, жамоадаги шахслараро муносабатларнинг қанчалик тўғри ташкил этилгани ёки этилмаганлигига боғлиқ

__________________________

“_____”___________20___ йил


Ўқув тарбия ишлари бўйича директор ўринбосари йўналиши бўйича
(Малака ошириш йўналиши номи)
Рахматова Гулноза Хайитбоевнанинг
(тингловчининг Ф.И.Ш)


Мактабни бошқариш ва унинг метологик асослар мавзусида
МАЛАКА ИШИ


Кафедра мудири:_________________________________
(имзо) (Ф.И.Ш)


Илмий раҳбар:_________________________________
(имзо) (Ф.И.Ш)
Бухоро – 2020 йил
Аннотация
Ушбу малака ишида таълим муассасаси бошқаруви бўйича изланишлар ва кузатишлар олиб бор­ган олимларнинг фикрлари ва қарашларидан келиб чиқиб, бугунги кунда республика таълим муассасаларини бошқаришда раҳбарлик фаолиятига эътибор қаратилиши борасида фикр-мулоҳазалар билдирилган.
Ҳар бир муассасанинг фаолиятидаги са­марадорлик, биринчи навбатда, жамоадаги шахслараро муносабатларнинг қанчалик тўғри ташкил этилгани ёки этилмаганлигига боғлиқ. Бошқача айтганда, ишнинг қандай ташкил эти­лиши раҳбарлик, бошқарувчиликнинг ташкил этилиши даражасига боғлиқ.
Ҳар бир раҳбар педагогик тизимни бошқарар экан, энг аввало, ундаги муаммолар ва бу тизимдаги аъзоларнинг педагогик-психологик хусусиятларини билиш қобилиятига эга бўлиши керак.
Раҳбарлик услублари ва унинг мазмун-моҳиятига раҳбар ўз бошқарув фаолиятида афзал билган ва асосланган барча усуллар ва ҳаракатларнинг тактика ва стратегияларидан ташкил топган тизим сифатида қаралади. Бунда, бир томондан, стратегиялар билан бошқарув фаолияти мазмуни, иккинчи томондан, бу ти­зимнинг ўзи, инсон фаолияти муҳитида турли аҳамиятга эга бўлган ҳаракатлар ва шу қаторда профессионал фаолият бошқарув субъек­тининг ривожланиши, мутахассис сифатида шаклланишида муҳим аҳамият касб этади.
Бошқарувчи одобининг ўзига хос қонуниятлари қуйидагилардан иборат:
- касбини ва болаларни севиш;
- ўзи дарс берадиган фан, уни ўқитиш наза­рияси ва методикаси, педагогика, психология ва мафкурага доир чуқур билим, юксак маъна­вий маданиятга эга бўлиш;
- шахснинг ахлоқий поклиги;
- педагогик такт, муомала одоби қоидаларига эга бўлиш;
- ҳамма ўқувчиларга нисбатан холис ният­ли, объектив, талабчан, адолатли бўлиш;
- педагогик фаолиятнинг ахлоқий характери билан педагогик ижодкорликнинг уйғунлиги.
Мактабни ислоҳ қилмай туриб, жамиятни ислоҳ қилиб бўлмайди. Мактаб таълимининг мазмуни, ўқув режаси, дастур ва стандарт­ларни модернизация қилиш, янгилаб бори­лиши замон талаби бўлиб қолмоқда. Таълим мазмунининг янгиланиши унинг бошқарувини ҳам ташкиллаштириб боришни тақозо эта­ди.
Бошқариш тизимида бошқарувчи раҳбар ўқув-тарбия тизимидан бошлаб то мактабдан ва синфдан ташқари ишларгача барча мак­таб ишларини педагогик-психологик нуқтаи назардан биладиган ва таҳлил қила оладиган бўлиши зарур. Шуни назарда тутишимиз керак­ки, таълим муассасасида педагоглар меҳнати яхши ташкил этилса, таълим-тарбия самара­дорлиги ҳам шу даражада юксак бўлади. Ҳар бир раҳбар мактабда педагогик-психологик муҳитни бир маромда ушлаб турса, бу мактаб­да педагоглар жамоаси ҳеч қачон пароканда бўлмайди.

Таянч сўзлар: раҳбарлик тизими, жамоа, аъзолар, иш услуби, бошқариш услуби, психологик иқлим, билим, туғма, фаоллик, типологик, сенсор, рационал, эмоционал, муомала, ўзини тутиш маданияти.