Ҳар бир муассасанинг фаолиятидаги са­марадорлик, биринчи навбатда, жамоадаги шахслараро муносабатларнинг қанчалик тўғри ташкил этилгани ёки этилмаганлигига боғлиқ

3.3 Замонавий бошқарув тизимида мақсад ва вазифалари
Ташкилий фаолият мақсади ҳар кандай ташкилот учун кутилаётган провард натижа, фаолият самарасидир.
Алоҳида хусусиятлари:
Ташкилий фаолият мақсадидан фойдаланиб, умумий ишнинг провард натижасини баҳолаш, фаолият йўналиши ва кўламини янгилаш мумкин.
Муайян омилларга етишиш ёхуд уларни сақлаб қолиш ташкилий фаолиятнинг бош мақсадидир.
Ташкилий фаолият мақсадлари хамиша истиқболли ривожланишни назарда тутувчи гипотезаларга асосланади. Шунинг учун бу хил гипотезаларнинг пухталиги самарали натижага эришиш учун мухим гаровга айланади.
Истикболли ривожланиш режаси қанчалик узоқ, вақтни қамраб олса, ташкилий фаолият мақсадлари шунчалик эхтимолий тусга эга бўлади.
Ташкилий фаолият мақсадларининг тавсифи
Конкрет ва аниқ, ўлчамларга эга бўлган мақсадлар. Ташкилий фаолият мақсадларини бу хилда белгилаш, ташкилот рахбариятига жараён давомида навбатдаги ташкилий қарорларни қабул қилиш ва ишнинг боришини баҳолашга, ташкилот фаолиятининг пировард натижага нисбатан нечоғлик самарали хамда тўғрилигини белгилашга имкон яратади.
Мақсадларни ва ўлчовини ҳисобга олиб белгилаш. Мазкур тамойилга кўра, энг аввало, узоқ муддатга, сўнгра ўртача ва қисқа вақт оралиғига мўлжалланган мақсадлар белгилаб олинади. Мақсадларнинг реал тарзда қўйилиши, яъни мавжуд шарт-шароитларда уларга эришиш мумкин бўлиши лозим. Турли ташкилий мақсадларнинг бир-бирига зид келмаслигига алоҳида эътибор бериш шарт.
Вазифалар пировард натижага эришиш учун аввалрок бажарилиши лозим бўлгананиқ тадбирлардир.
Алоҳида хусусиятлари.
Ташкилий вазифалар фаолиятнинг бевосита мақсадларини ифодалайди. Уларни миқдорий жиҳатдан ўлчаш мумкин. Одатда вазифалар деб, аник ижрочининг зиммасига юкланган ва бажарилиши муддатлари аниқ белгиланган ишларни назарда тутишади.
Педагогик жихатдан олганда, ташкилий вазифалар конкрет лавозимига нисбатан белгиланади. Ҳар бир лавозим доирасида бажарилиши бўлган ишлар мажмуи пировард натижага эришиш йўлидаги мухим босқич саналади.