Anotatsiya kirish mavzuning asoslanganligi va dolzarbligi

Tadqiqot ishining ob’ekti. O‘zbekiston Respublikasi hududida joylashgan O‘zgidromet aktinometrik stansiyalarida olib borilgan kuzatuv malumotlari.
Tadqiqot ishining predmeti. O‘zbekiston Respublikasi hududida joylashgan Termiz, Farg‘ona, Taxiatosh, Toshkent aktinometrik stansiyalarida kuzatilgan quyosh radiatsiyasi va namlik rejimining o‘zgarishi.
Tadqiqot ishining maqsadi. O‘zbekistondagi aktinometrik kuzatish ma’lumotlari elektron bazasini yaratish. O‘zbekistonning turli tabiiy-geografik va iqlimiy rayonlari ustida atmosfera suv bug‘ini tadqiq etish, to‘g‘ri, tarqoq, yalpi radiatsiya, atmosfera suv bug‘ining yillararo o‘zgarish xususiyatlarini aniqlash.
Tadqiqot ishining vazifalari. Ilmiy-tadqiqot ishining maqsadidan kelib chiqqan holda, quyidagi vazifalar qo‘yilgan:
1. O‘zbekiston Respublikasi hududida joylashgan aktinometrik stansiyalarida perpendikulyar yuzaga tushgan to‘g‘ri quyosh radiatsiyasini yillararo va bazaviy hamda joriy iqlimiy davrlardagi o‘zgarishlarini tahlil qilish;
2. Sochilgan radiatsiyaning yillararo va bazaviy hamda joriy iqlimiy davrlardagi o‘zgarishlarini tahlil qilish;
3. Yalpi radiatsiyaning yillararo, bazaviy hamda joriy iqlimiy davrlardagi o‘zgarishlarini tahlil qilish;
4. Suv bug‘i elastikligining yillararo, bazaviy hamda joriy iqlimiy davrlardagi o‘zgarishlarini tahlil qilish;
Tadqiqot ishining ilmiy yangiligi quyidagilardan iborat:
- O‘zbekistondagi aktinometrik kuzatishlari ma’lumotlarining elektron bazasi yaratildi;
- O‘zbekiston Respublikasining turli hududida joylashgan aktinometrik stansiyalari (Termiz, Farg‘ona, Taxiatosh, Toshkent) kuzatuv malumotlari asosida 1961 yildan 2015 yilgacha bo‘lgan davr oralig‘idagi quyosh radiatsiyasi rejimining o‘zgarishi tadqiq etildi.
- to‘g‘ri quyosh radiatsiyasining yillararo o‘zgarishi tahlil qilindi;
- tarqoq quyosh radiatsiyasining yillararo o‘zgarishi tahlil qilindi;
- yalpi quyosh radiatsiyasining yillararo o‘zgarishi tahlil qilindi;
- suv bug‘i elastikligining yillararo o‘zgarishi tahlil qilindi.