Andijon davlat universiteti jismoniy madaniyat nazariyasi va metodikasi kafedrasi kichik maktab yoshidagi bolalar jismoniy tarbiyasi

V.Fanning ta’limdagi o‘rni

“Kichik maktab yoshidagi bolalar jismoniy tarbiyasi” fani mutaxassislik fan bo‘lib, bo‘lajak jismoniy madaniyat bo‘yicha mutaxassis kadrlarga kichik maktab yoshidagi bolalar jismoniy tarbiyasi kursi bo‘yicha to‘liq bilim beradi. Insonning sog‘lom baquvvat bilimdon bo‘lib rivojlanishiga o‘rgatadi, jismoniy sifatlarini tarbiyalashga, takomillashtirishga ko‘maklashadi, shuningdek, ularning bilimi harakat ko‘nikma va malakalarini shakllantiradi. Shu munosabati bilan jismoniy madaniyat va sport bo‘yicha chiqarilgan davlat derektiv xujjatlarga javob berishida yetakchi rol o‘ynaydi.

VI.Fanni o‘qitishda zamonaviy axborot va pedagogik texnologiyalar

Talabalarning “Kichik maktab yoshidagi bolalar jismoniy tarbiyasi” fanini o‘zlashtirishlari uchun o‘qitishning ilg‘or va zamonaviy usullardan foydalanish, yangi innovatsion – pedagogik texnologiyalarni tadbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, elektron materiallar, virtual stendlardan va sport jihozlaridan foydalaniladi. Ma’ruza va amaliy darslariga mos ravishdagi ilg‘or pedagogik texnologiyalardan foydalaniladi.

VII.Asosiy nazariy qism (Ma’ruza mashg’ulotlari)


1 – modul. Kichik maktab yoshidagi bolalar jismoniy tarbiyasining maqsadi va vazifasi.


1-mavzu. Kichik maktab yoshidagi bolalar jismoniy tarbiyasining maqsadi va vazifasi.
Kichik maktab yoshidagi bolalar jismoniy tarbiyasining maqsadini tushuntirish hamda fanning mazmuni, uning rivojlantirish bosqichlari, davrlari haqida nazariy ma`lumotlarga ega qilish.
Kichik maktab yoshidagi bolalar jismoniy tarbiyasi fanining asosiy vazifalari bo‘lajak mutaxassislarni kichik maktab yoshidagi bolalar jismoniy tarbiyasining shakl va uslublariga o‘rgatish. Ta’lim muassasalarda kichik maktab yoshidagi bolalar jismoniy tarbiyasi ish shakllarining malakalarini hosil qilish.Kichik maktab yoshidagi bolalar jismoniy tarbiyasi bo‘yicha nazariy va amaliy mashg‘ulotlar tashkil etish, kichik maktab yoshidagi bolalar jismoniy tarbiyasi talablarini bajartirish. O‘quvchi yoshlar o‘rtasida jismoniy tarbiya va sportni targ‘ib qilish.