Andijon davlat universiteti jismoniy madaniyat nazariyasi va metodikasi kafedrasi kichik maktab yoshidagi bolalar jismoniy tarbiyasi

5 – modul. O’quv kun tartibida sog’lomlashtirish tadbirlari.


1-mavzu. O’quv kun tartibida sog’lomlashtirish tadbirlari.
O’quv kun tartibida sog’lomlashtirish tadbirlarini tashkil qilish haqida nazariy ma’lumotlarga ega qilish. Talabalarga ertalabki badantarbiya mashg’ulotlarini o’tkazish, katta tanaffus va kichik tanaffuslarda jismoniy tarbiya daqiqalarini tashkillashtirish, kuni uzaytirilgan guruhlarda jismoniy tarbiya soatlarini o’tkazish haqida ko’nikma va malakalarga ega qilish. Bolalar o’rtasida sog‘lomlashtirish va milliy o‘yinlarni tashkil qilish; bolalar o’sish davrida jismoniy tarbiya va sportning o‘rni; jismoniy tarbiya – sport menedjmentini moliyaviy, tashkiliy va huquqiy asoslari; havaskor va professional sport; jismoniy tarbiya, sog‘lomlomlashtirish va sport ishlari, ommaviy tadbirlarni tashkil qilish va o‘tkazish bilimlariga ega qilish.


6 – modul. Jismoniy tarbiya darsi - o’quv ishlarining asosiy shakli sifatida


1-mavzu. Jismoniy tarbiya darsi - o’quv ishlarining asosiy shakli sifatida.
Jismoniy tarbiya nazariyasi jismoniy tarbiyaning umumiy nazariyasi bilan yagona mazmunga ega bo’lib, bu fan talabalarga jismoniy tarbiyalash qonuniyatlarini hamda shunga muvofiq bolaning ta’lim va tarbiya jarayonida rivojlantirishni boshqarishning umumiy qonuniyatlarini maxsus o’rgatadi. Ta`lim muassasalarida jismoniy tarbiya darslarini tashkil qilish va o‘tkazish usullarini; jismoniy tarbiya darslarida o‘quvchilar faoliyatini tashkil etish usullarini; o‘quv ishlarini rejalashtirish; jismoniy tarbiya darslarida pedagogik nazorat: pedagogik tahlil, xronometraj, pulsometriya o‘tkazish uslubiyoti haqida ko‘nikmalarga ega qilish.
7 – modul. Sinfdan va maktabdan tashqari ishlar
1-mavzu. Sinfdan va maktabdan tashqari ishlar.
Talaba yoshlarga jismoniy tarbiyada sinfdan va maktabdan tashqari ishlarni olib borish, kuni uzaytirilgan guruhlar bilan ishlash, sport musobaqalari va tadbirlar uyushtirish haqida bilim ko’nikmalarni o’rgatish va nazariy bilimga ega qilish. Sinfdan tashqari olib boriladigan jismoniy tarbiya ishlariga tavsif; o‘quv ishlarini rejalashtirish; maktab tashqari ishlarni rejalashtirish va ularni o’tkazish; o’quvchilar o’rtasida sport musobaqalarini tashkillashtirish haqida bilim ko’nikmalarga ega qilish.