Андижон давлат тиббиёт институти факультатив, госпитал терапия, халқ табобати ва эндокринология кафедраси

Даволаш.
ДТС нинг инфекцияланган – невропатик турини даволаш қуйидаги усулларни қамрайди:
1.ҚД нинг оптимал компенсацияси. Яллиғланиш жараёнининг қўшилиши инсулинга талабни кучайтиради. ҚД нинг 2-турида кўпинча вақтинча бўлса ҳам инсулин билан давалашга ўтиш керак бўлади.
2.Антибиотиклар билан даволаш. Яра инфекцияланмаган бўлса,антисептик боғламни қўллаш кифоя қилади. Кўпинча яралардан граммусбат ва грамманфий кокклар,клосдридиялар,ичак таёқчалари,анаэроблар ажратилади. Ярадан ажратилган штамлар сезувчанлигини аниқланган холда антибиотикларни қўллаш тавсия қилинади. Антибиотикларни узоқ вақт 2 хафтадан бир неча ойгача қўллаш керак бўлади.
3.Оёқлар ҳар қандай юкламадан холис бўлиши ва тўлиқ тинч холатда тутилиши керак. Тавон осилиб туриши учун унинг тагига валик қўйилади. Яра тўлиқ тузалишигача қўлтиқ таёқ ёки кресло – аравачалардан фойдаланиш тавсия қилинади. Оёқларни юкламадан тўлиқ холис қилиш, йиллаб тузалмаган яраларнинг бир неча хафта ичида битишига олиб келиши мумкин.
Р асм 4. Диабет тўпиғи синдроми. Инфекцияланган нейропатик тури. Товон суяк остеомиелити ва юмшоқ тўқималар флегмонаси билан асоратланган. а- даволашгача; б-даволаш фонида.


Расм 5. Тўпиқ ва болдир суяклари рентгенограммаси. Тўпиқ бўғимларининг кучли деформацияси.(Шарко бўғими).

4.Яраларнинг локал тозаланиши. Некротик тўқималарни олиб ташлаш, асептик шароитда тутиш назарда тутилган.

5.Гипер кератоздан тозалаш.
6.Махсус тикилган оёқ кийимларни кийиш.
ДТС нинг ишемик тури - оёқлар артерияларининг атеросклерози туфайли магистрал қон айланишининг бузилиши яъни диабет макроангиопатияси вариантларининг биридир.
Клиник кўриниши.
Тўпиқ терилари оқарган ёки цианозли, камроқ холларда эса ишемияга нисбатан капилярлар кенгайиши натижасида қизарган бўлиши мумкин. Неврапатик туридан фарқли ишемик турида шикастланган тўпиқ совуқ бўлади.Яралар акрал некрозлар кўринишида (бармоқлар учларида, товон чеккаларида) пайдо бўлади.Тўпиқ артериялари, тизза орти, сон артерияларида пульс пасяди ёки бутунлай аниқланмайди.Шикастланган қон томири бўшлиғининг 90% дан ортиғи стенозланган тақдирдагина пульс пайпасланмайди. Йирик қон томирлар аускультациясида систолик шовқин эшитилиши мумкин. Невропатик туридан фарқли ишимик тўпиқда ривожланган жарохатлар оғриқлар билан кечади.