Analitikalıq geometriya

4. Betlikler formasın úyreniwde kesimler usılı.

Usı baptıń basında aytılǵan ekinshi máseleni qarastıramız, yaǵnıy tuwrımúyeshli dekart koordinatalar sistemasında jazılǵan teńlemesi málim bolǵanda betliklerdiń geometriyalıq formasın anıqlaw máselesi qarastırıladı. Bul másele «kesimler usılı» delinetuǵın usıl járdeminde sheshiledi.

Kesimler usılında teńlemesi menen berilgen betliktiń kórinisin izertlewde berilgen betliktiń hárqıylı tegislikler sisteması menen kesiminde (dara jaǵdaylarda koordinatalıq tegisliklerge parallel bolǵan tegislikler sisteması menen kesiminde) payda bolatuǵın sızıqlar izlenedi. Usınday kesimlerdi úyreniw tiykarında betliktiń forması anıqlanadı.