Analitik reaksiyalarni o’tkazish sharoitlari

2.5 Suyultirilgan eritmalarning qaynash temperaturasi.
Eritma toza erituvchining qaynash temperaturasiga qaraganda yuqoriroq temperaturada qaynaydi. Eritmaning qaynash temperaturasi bilan toza erituvchining qaynash temperaturasi orasidagi farq eritma qaynash temperaturasining ko'tarilishi deb ataladi. Eritmaning konsentratsiyasi qancha katta bo'lsa, u shuncha yuqori temperaturada qaynaydi. Bu hodisani diagrammadan foydalanib tushuntirish mumkin. Bu diagrammadan OA chizig'i toza erituvchi bug'i bosimining ,O ₁A₁ chizig'i eritma bug'i bosimining , OB chizig'i qattiq holatdagi toza erituvchi bug'i bosimining temperatura o'zgarishi bilan o'zgarishini ko'rsatadi (OB chizig'i OA chizig'iga qaraganda tikroq bo'ladi, chunki bug' to'g'ridan - to'g'ri qattiq holatga o'tganda ko'p issiqlik chiqadi.)
Ma'lumki, har qaysi suyuqlik to'yingan bug'ining bosimi atmosfera bosimiga teng bo'lgandagina qaynaydi. Toza erituvchining to'yingan bug'i bosimi T ₁ da 760 mm ga teng. Shuning uchun toza erituvchi T₁ da qaynaydi. Eritmaning to'yingan bug'i bosimi hamma vaqt toza erituvchinikidan kichik bo'lgani sababli, uning bug'i bosimi 760 mm ga yetkazish uchun ini T₁ gacha emas, balki T₂ gacha qizdirish kerak. Demak, eritma T₂ da qaynaydi.O₁A₁ chizig'iga Klauzius- Klapeyron tenglamasi bilan Raul qonunini tatbiq etib, eritma qaynash temperaturasining ko'tarilishini aniqlash uchun tubandagi formula topilgan:
T₂ - T₁= Rt²₁/1000g
bu yerda:
T2-T1- eritma qaynash temperaturasining ko'tarilishi
R- gaz konstantasi
T1- toza erituvchining qaynash temperaturasi
@- 1g toza erituvchining qaynash temperaturasidagi bug'lanish issiqligi; g esa 1000 g erituvchida erigan modda miqdori.
E- erituvchining ebulioskopik konstantasi. E ning fizik ma'nosi shundan iboratki, u 1000g erituvchida 1 mol modda eriganda hosil bo'lgan eritmaning qaynash temperaturasi erituvchining qaynash temperaturasiga qaraganda necha gradus ortiq ekanligini ko'rsatadi. Uning qiymati faqat erituvchiga bog'liq bo'lib, erigan moddaga bog'liq emas.