Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Gol germek (sermek) — 1. Kömek soramak, haraý gözlemek. Howp öňünde dyza çöken, Golun serip ýaşyn söken (G. Gurbansähedow). Gol gerip, gujaklap zaryn ses etdi, Sesiň owazasy uzaga ýetdi (A. Kekilow). 2. Pajarlap ösmek. Täzeden ýanaşyp ugrady ýaşlar, Göge golun gerýär belent agaçlar (A. Kekilow). Olaryň ýüze çykanlary indi gollaryny gerip görünýärler (A. Nyýazow).

Gol uzatmak — 1. Dostluk, raýdaşlyk kömegini etmek. Eýrana sap ýürekden arkadaşlyk goluny uzadan ýaş Sowet hökümetidigini ýadyňyza salyň (G. Kulyýew). 2. Kömek sorap ýüz tutmak. Eger biz özümizi özümiz oňaryp bilmesek, ýene ruslara gol uzadarys (B. Kerbabaýew).

Goş saýlamak—1. Aýrylyşyp gitmek, aýrylyşmak. Ýa şu gün öýden goşusy saýla, ýada men saýlajak (B. Seýtäkow). Goşumy saýlarda gaýdybirin (B. Pürliýew). 2. Gitmek, aýrylyp gitmek. Hany, molla, mun-dan goşuňy saýla! (B. Seýtäkow). Wagt ýetdi, saýla goşuň bu taýdan,

Diýip, dogry jogap berýär Hindistan (Mollamurt).

Göwnüň göçmek — 1. Ruhlanmak, şatlanmak, guwanmak. Gün astynda şaýlar şöhle saçýardy, Märekäniň göwni barha göçýärdi. (B. Kerbabaýew). Obadaşlaryna duşup, Göwünleri göçdi joşup (A. Atajanow). 2. Hyýal etmek, pikiriňe gelmek, ýadyna salmak, oýlanmak. Aýlaryň kinesi uçdy şol demde, Halla bakan göwni göçdi şol Demde. Göwünleri oba tarap göçýärdi, Göýä gezýärdiler bagy-bossany (B. Kerbabaýew). Bilip aňry ýanna geçýän, Onuň göwni şäher göçýä (N. Baýramow).