Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Göz-gulak bolmak — 1. Habardar, seresap bolmak, üçünjiden, şäher içindäki baýlardan, söwdagärlerden göz-gulak bolmaly (B. Seýtäkow). 2. Seredip durmak, göz gezdirmek, seretmek. Aýjemal daşary çykyp, töwerege gözgulak bolup geldi (A. Gowşudow). Ýusup görnäýermika diýip, şol obaň içinde-de iki tarapyma göz-gulak bolup gitdim (B. Soltannyýazow). 3. Gözden salmazlyk, garaşyk etmek. Siz men öwrülip gelýänçäm, Çardagly Çandybile göz-gulak boluň... («Görogly»). Ilatyň aç-ýalasajyna göz-gulak bolup durar ekeni («Türkmen halk ertekileri»). Kasymam indi öz oglumyz boldy, ondan men gaty göz-gulak bolaryn (B Seýtäkow).

Göz dikmek — 1. Nazaryňy uýtgetmän belli bir ýere, nokada seretmek, garamak, gözlemek. ...Bahar bir gapdaldaky erik agajynyň ýogyn sütünine gözlerini dikdi-de dymdy (A. Gowşudow). Gözüni dikip duran şol bir nokadyndan aýyrman, pikir laýyna batdy (H. Derýaýew). Berkeli aga agtygyna üns bilen gözlerini dikdi (A. Gurban). 2. Ýoluna garamak, intizar bolmak, garaşmak. Ata-enesi täze bolan gyzyň adyna Akpamyk dakyp, oglanlarynyň ýolüna göz dikýärdiler («Türkmen halk ertekileri»). Galada çagajyklar sizin geleriňize göz dikip otyrlar... (A. Gowşudow). Pakyr, haçan ejem gelip dädemiň ýanyna äkiderkä diýip, gapa gözüni dikip oturandyr (B. Seýtäkow). 3. Hantama bolmak, tamakin bolmak, göz gyzdyrmak, ymsynmak. Meniň ömrümiň soňunda göz dikip oturan diňe ýekeje oglum bar (B. Kerbabaýew). Indi gözüňizi kör garry bilen şujagaz çaga dikdiňizmi? (B. Seýtäkow). Diýmek, han dor alaşa gözüni dikýän bolara

Göze dürtme — 1. Mese-mäläm, göz-görtele, aç-açan. Onuň niýeti bize mälim, hereketi göni göze dürtme (B. Kerbabaýew). Bu juda göze dürtme bolýar. (B. Pürliýew). Bu mesele, ylaýtada, klassyky edebiýatymyzyň rus diline geçirilişinde göze dürtme görünýär («Edebiýat we sungat»). 2. Tüm garasky, gaty garaňky. Şonuň ýaly şu göze dürtme garaňky gijede şu komandiriň yzlap barýan howply ýodasy, basjak ýerleri hem bir gulaç ýokary galýardy (A. Gowşudow). Şeýle göze dürtme garaňkydy (A. Durdyýew). Şeýle göze dürtme garaňky gijede... Samat işan öýüne çagyrdy (N. Pomma). çemeli (T. Taganow). Başgalara göz dikip oturman, her adam öz zähmeti bilen parahatçylyk ugrunda göreşmelidir (R. Alyýew).