Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Germesatan bolmak—1. Bir oňa, bir musa ýetjek bolup heläk bolup ýörmek, iki arada galmak; ýetişiksiz güne galmak. Çagam iki öýüň arasynda germesatap bolub-a galdy (A. Gurban). 2. Aýagyň ýere degmän sallanyp durmak. Eli şaha ýetmän, aýagy ýere degmän, germesatan bolaýmadymyka? (B. Kerbabaýew).

Gerşine münmek—1. Erkini, ygtyýaryny elinden almak; Mündük dünýä kapitalynyň gerşine, Güm edýänçäk göreşeris halaýyk... (A. Atajanow). 2. Agramyňy atmak, ýük bolmak (maddy taýdan).

Gola salmak—1. Ýesir almak, gola düşürmek. Döş gerip söweşe girilýän wagty, Birnäçäni gola saldyň diri sen (A. Salyh). 2. Ygtyýaryny ele almak, eýelik etmek. Soň ussa şol gyzy görmegiň we ony ele salmagyň pikirinde boldy (A. Durdyýew).