Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Göwnüňden çykarmak — 1. Birine bir zat bermegi göwnüňe getirmek, öz ýanyňdan joşup bir zat bermek, öz islegiňe görä birine bir zat bermegi ýüregiňe düwmek. — Oglum, göwnüňden çykarynyňy beräý («Görogly»). Emma düýämiň birini göwnümden çykardym(N. Saryhanow). — Waý, maňa bir Ýagşylyk bolaýsa, aklygyny ýetirin, işan aga — diýip, öz ýüreginden: «Maýdarak şaýlarymyň birini bererin-dä» diýip göwnünden çykardy (H. Derýaýew) 2. «öňki pikiriňi, hyýalyňy, niýetiňi üýtgetmek, niýetiňden dänmek, Myradaly aga baş wraçyň-da ýanyna barman, oba gitmegi göwnünden çykaryp, bedenterbiýe geçirilýän meýdança tarap çykyp gitdi (N. Pomma)

Gowmüň doýmak — 1. Göwnüň bitmek, minnetdar bolmak. Olardan gelin edinseň, garaz, göwnüň doýnar (B. Kerbabaýew). Şabyrdadyp baglaň ýaşyl seçegin, Göwnüň doýmaz, müň bir dürli saz eder (B. Japarow). 2. Göwnüň galmak, nägile, närazy bolmak, ynjamak. Onuň sözlerinde köne agalaryndan göwni doýgunlyk syzyldy (G. Kulyýew).

Göwnüňe gelmek — 1. Pikirnne, hyýalyňa gelmek, çen etmek, çaklamak. ...Üç ýuz altmyş şägirdiniň her haýsy öz göwnüne gelenini orta atyp çykdy («Görogly»). Eziz han ulalapdyr diýen oý göwnüňe gelmesin. Onuň göwnüne gelşine görä, düýe-de öz hojaýynypa gyjalat berýän ýalydy (B. Kerbabaýew). 2. Muskürlik döremek, gaty görmek, ynjamak, öýkelemek. — Ata, men seniň göwnüňe geler öýtmedim (A. Gowşudow). Baýramgül eje, göwnüňize gelsede aýdaýyň (H. Ysmaýylow). Göwne geler ýaly gürrüň etmegin (R. Allanazarow). — Beýdip çykyp gitseň, kakamyň göwnüne geler (T. Taganow).

Göz baglamak — 1. Nadan, sowatsyz goýmak, aň-bilimden, medeniýetden yza galdyrmak. Onda-da bolsa, geçmişde gözüni baglap şol adatyndan çykyp bilmän gelýä!... Gözüň baglap derde salan din dälmi? (B. Ker-babaýew). Halkyň gözüni baglap, Baýlar indi ýol almaz (O. Täçnazarow). 2. Al salmak, aldamak. Kullaýewiň wäşi sözler bilen gözüni baglap, ony kör ýaly ider ýörer erdi (H. Ysmaýylow). Hakyky Tährany göreňok, gardaş, Ýasama ýalpyldy gözüň baglaýar (A. Atajanow). Ol sebäpden her etmeli, hesip etmeli, olaryň gözlerini baglar ýaly çäre tapmaly (T. Taganow).