Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Guýruk bulaýlamak — 1. Ýaranjaňlyk etmek, ýaýaplamak. Her göreňde, ýalym-ýulum edip guýruk bulardy (G. Gurbansähedow). 2. Sapalak atmak, hile etmek. Faşist köpekleri guýruk bulaýlap, Boýun burup, dyza çökýär lalaýlap (Ata Salyh).

Guş bolup uçmak — 1. Çalt, ýyndam hereket etmek. Guş bolup uçsaň-da uç sen gelneje, Gaýa dek diwardan geç sen gelneje! (B. Seýtäkow). Öýden ara açdy gitdi, Guş deý bolup uçdy gitdi (N. Baýramow). Günde menzil ýoly säginmän geçýär. Ýöne bir ýöremän, guş bolup uçýar. Gylyç Gajar ogly onuň bu jogabyna guş bolup uçdy (N. Pomma). Göwrümi giňeldi gaýgy-gam gaçdy, Her hatyn alanda, guş bolup uçdy (A. Kekilow).

Gyýa bakmak — 1. Ogryn seretmek, näzli garamak. "Gyzyl-ýaşyl geýnip, Gülüp gyýa bakýan ýok (O. Täçnazarda). Gyýa bakyp, maňa nazar salsa-da, Araňy kes indi islemen seni («Daň şapagy»). «Şahyr, haýyş edýäs, bir şygyr okaň». Diýen bolup, gyýa bakýar, näz edip (G. Seýitli). 2. Nägile, närazy bolmak, duşmançylyk bilen garamak. Emma şeýle plan barmady başa, Duşman gyýa bakyp azat durmuşa (A. Kekilow). Hoş habar ýerine baksa-da gyýa, Söýenok diýmäge dilim barmady («Gunça»). Geldi köse işläp duranlara gyýa bakyp, gazap bildirdi («Sowet edebiýaty»). Gyz gyýa bakyp, gaşyny çytdy («Sowet edebiýaty»).

H

Hazan ýeli —1. Güýz bilen gyşyň sepgidinde, akrabyň ýeň ýanynda öwüsýän, içiňdenbagryňdan geçip barýan ýakymsyz ýel. Ýüregim gyýylýar gyzyň halyna. Hazan ýeli degen gül jemalyna (L. Kekilow). Ter açylan gülgüzardan aýyrdy (Misgingylyç). 2. Betbagtlyk, ajal, ölüm Hazan ýeli urdy, sowuldy bagym, Sil aldy dünýäni ýykyldy dagym (Kätibi).