Адҳам ваисов

Чегараланган нейродермит
(Neurodermitis сircumsrinta)

Терида, асосан, лихенизация ўчоғи бўлиб, улар майда, зич эластик тугунчалардан ташкил топганга ўхшаб туради. Ўчоқда кепакланиш кучли ривожланмаган бўлади. Пайпаслаганда тери зичланган, қалинлашиб, дағаллашган бўлиб, кўздан кечирилса соғ терида унча сезилмайдиган, тери расми кучайгани, тери гиперпигментли бўлиб, юзасида тўғри чизиқли қашима излари – экскориациялар, қонли қалоқлар кузатилади. Пахтали тампон билан секин-аста силанса – кучли қичима кузатилади; соғ терида бу рефлекс кузатилмайди. Ўчоқ­лар шакли думалоқ, суйри, чўзинчоқ (қашланиш йўналиши бўйича чўзилган) ва чегараси одатда аниқ бўлади. Ўчоқлар бетартиб жойлашган, бир ёки бир неча ўчоқлар ҳолида кузатилади. Чегарали нейродермит кўпинча бўйин орқа юзаси (аёллар) да, бошнинг сочли қисмида, тизза бўғимининг букувчи юзасида, билак бурмасида, билакларни ёзувчи юзаларида, вульвада, қов, чов соҳаларида, перианал соҳа, ёрғоқ терисида жойлашади. Дермографизм оқ бўлади.

Давоси.

• 
  Беморга доимо терини ишқаламаслиги ва қашимаслиги ҳақида огоҳлантирилади.
  
• 
  Кечалари қўйилувчи окклюзион боғламлар жуда яхши самара беради: терини қашланиш- тилинишидан ҳимоя қилиб, дори воситаларини сўрилишини енгиллаштиради.
  
• 
  Маҳаллий- кортикостероид мазлари сурилиб, устидан қуруқ марля (дока) боғланади. Ўчоқларга кортикостероидлардан инъекция қилиш усули ҳам самарали усуллардан ҳисобланади.Триамцинолон 3мг/мл миқдорда қўлланилади.Агар патологик ўчоқ оёқ- қўлларда жойлашса, қуруқ боғлаш остида қора мой, цинк оксиди, ва ўртача кучга эга бўлган кортикостероидли аралашма сурилади.Ва устидан боғлаб қўйилади. Бундан ташқари синтетик боғламлар ҳам ишлатилади.Кортикостероидли пластир яхши натижа бериб, уни 1 суткага қўйилади.Цинк – желатинни боғлаш.Докани Унна пастси билан шимдириб олинади,сўнг йирик лихенизация ўчоғига боғланади, боғлаш 1 ҳафтага қўйилади.
  
• 
  Дезинтоксикацион даво.
  
• 
  Яллиғланишга қарши даво (антигистамин ва десенсибилизацияловчи препаратлар)
  
• 
  Психотроп препаратлар.
  
• 
  Транквилизаторлар.
  
• 
  Иммуномодулинлар.
  
• 
  Физиотерапия.