Адҳам ваисов

Иккиламчи сифилис, рОзеолез.

(Syphilis secundaria)


Клиник кўриниши. Захмнинг иккиламчи даври одатда касаллик юққандан сўнг 9–12 ҳафта ўтгач бошланади. Терида тошмалар тошишдан 6–10 кун олдин беморлар кўпинча дармонсизлик, иш фаоллигини пасайиши, бош оғриғи, суяк, бўғим ва мушакларда оғриқ бўли­шидан ҳамда тана ҳароратининг кўтарилишидан шикоят қиладилар. Бу ҳолат турли беморларда турлича бўлиб, асосан, касаллик қўзға­тувчиси рангсиз трепонемани кўп миқдорда, бирданига лимфадан қонга тўпланиб, тарқалган даврига тўғри келади.
Розеола (roseola corporis) иккиламчи захмнинг дастлабки белгиси бўлиб, тўқ пушти, кейинроқ оч-пушти рангли, ўлчамлари 1 см гача, думалоқ шаклдаги, унча аниқ чегарага эга бўлмаган, бир-бири билан қўшилмайдиган, текис юзали, субъектив безовта этмайдиган ва ўткир яллиғланмаган, қон-томирли доғ.
Розеолалар кўпинча тананинг олди-ён юзаларида, қўлларининг букилувчи соҳаларида жойлашади. Иккиламчи янги захмда уларни сони кўп, бетартиб, симметрик жойлашган, ўлчамлари нисбатан майда бўлади. Иккиламчи рецидив захмда эса – розеолаларнинг сони кам, йирик, гуруҳ-гуруҳ, асимметрик жойлашадилар
Даволаш махсус тери-таносил касалликлари диспансерларида.
Папулёз дерматозлар.


Қипиқли темиратки (Psoriasis vulgaris)


Псориаз – терининг тарқалган, папуло-сквамоз, сурункали, қайталаниб турувчи, дунёнинг турли минтақаларида, турли ёш ва жинс­даги одамларда учрайдиган мультифакторли касаллик.
Клиник кўриниши. Псориаз терида мономорф, эпидермодермал тугунчалар тошиши билан характерланади. Тошмалар асосан, бошнинг сочли қисмида, қўл-оёқлар ва тананинг ёзувчи сохаларида жойлашади. Тугунчалар ўлчами турлича бўлиб, атрофига ўсиш эвазига катталашиб, бир-бирига қўшилиб йирик пилакчаларни хосил қилади.
Псориазнинг клиник кечишида 3 босқич: прогрессив, стационар ва регрессив босқичлари тафовут этилади.
Псориазнинг давоси: