Адҳам ваисов

(Chlamydiosis urogenitalis)

Хламидиоз – кўп учровчи жинсий йўл билан юқувчи касаллик бўлиб, инфекция организмда узоқ кечувчи яллиғланиш ва асоратлар чақиради ҳамда бўғимлар ва кўз коньюктиваси жароҳатланади.

Клиник кўриниши. Сийдик-таносил йўлларида кузатиладиган яллиғланишлар, ўткир ости ва сурункали гонореяли яллиғланишдан кам фарқ қилади. Одатда, уретрада нохуш ҳиссиёт, ачишиш ва қичишиш кузатилади. Уретра тешиги бироз гиперемияланган бўлиб, оз миқдорда шилимшиқ ажратма ажрайди. Аёлларда бачадон бўйни ва канали яллиғланиши характерлидир. Урогенитал хламидиоз гоно­рея сингари сийдик – таносил тизими бўйича тарқалиши ва асоратланиши мумкин.
Инфекциянинг кўз шиллиқ пардасига тушиши натижасида конъюк­тивит ривожланади. Иммунопатологик реакцияли беморларда Рейтер касаллиги (Morbus Reiter) реактив артрит, тугунчали эритема ва бошқалар кузатилади. Узоқ кечган инфекция бепуштлик, бўғимла­рнинг сурункали яллиғланиши ва бошқа тикланмас асоратлар чақи­ради. Рейтер касаллиги классик вариантда кечганида уретритдан бошланади, унга бўғимлар яллиғланиши ва конъюктивит қўшилади. Терида тошмалар кузатилиши мумкин. Касалликка, асосан, ёш эркак­лар чалинадилар. Касаллик ўткир ёки ўткирости бошланиб бирон-бир симптомнинг устунлиги билан кечади. Касаллик қайталаши мумкин, ўз вақтида ташхис қўйиб даволанмаса, тикланмас асоратлар чақири­ши мумкин.
Даволаш.

Медикамент	Юбориш усули	Асоратланмаган хламидиоз	Асоратланган хламидиоз	Илова, тавсия
Doxicyclinum (Mynocyclinum)	Р/о	1-доза 0,2; кейин 0,1 кунига 2 марта,7 кун ёки 1-доза 0,2; кейин 0,1 кунига 1 марта, 7 кун	1-доза 0,2; кейин 0,1 кунига 2 марта,14 кун ёки 1-доза 0,2; кейин 0,1 кунига 1 марта, 14 кун	Ҳомиладорлар, эмизикли аёллар,болаларга мумкин эмас.Простатитда самарали.
Tetracyclinum hydrochloridum	Р/о	0,5 кунига 4 марта,7 кун	0,5 кунига 4 марта,14 кун
Erythromycinum	Р/о	0,5 кунига 4 марта,7-10 кун ёки 0,25 кунига 4 марта,14 кун		Ҳомиладорлар,болалар га, тетрациклинга монелик бўлганда
Azitromycinum (Sumamed)	Р/о	1,0 бир маротаба	1-2 куни 1,0 3-кунидан 0,25 кунига 1 марта, 6 кун	Танлов препарати
Rovamycin	Р/о			Ҳомиладорликда қўллаш мумкин.