Адҳам ваисов

Оддий контакт дерматит клиникаси

Одатда оддий контакт дерматитга учраган бемор терида пайдо бўлган тошмалар сабабини (шартсиз таъсиротни) аниқ кўрсатиб беради ва кўпинча яллиғланиш ўчоғида ачиш, оғриқ, камроқ қичишишга шикоят қилади. Терида ташки таъсирот урнида чегараси аник булган эритематоз доғ, пуфаклар, ва некроз ҳолати бўлиши мумкин.

Шартсиз таъсиротни кучли ва қисқа вақтли таъсир оқибатида вужудга келадиган тери яллиғланишини ўткир оддий контакт дерматит (куйиш), ёки узоқ вақт қайталама кучсиз таъсир оқибатидаги тери яллиғланиши сурункали (хроник) оддий контакт дерматит (узоқ вақт механик ишқаланиш оқибатида қадоқ пайдо бўлиши) дейилади.
Даволаш:

• 
  Этиологик факторни бартараф этиш;
  
• 
  Ўткир овқатлар, спиртли ичимликлар, ош тузи,углеводларни чеклаш;
  
• 
  Дорилар билан даволаш;
  

ТАШҚИ ТЕРАПИЯ

• 
  2% ли резорцин, Буров суюқлигини 1: 40 аралашмаси билан совуқ примочкалар қўйиш;
  
• 
  Аэрозоллар (“Оксикорт”, “Оксициклозоль”,“Полькортолон”)
  
• 
  Анилин бўёқлари, Кастеллани бўёғи, метил кўкининг 2% ли сувдаги эритмаси
  
• 
  Юқори активликдаги глюкокортикоид сурмалари (синафлан, целестодерм,оксикорт)
  
• 
  Иккиламчи инфекция қўшилганда – антибиотиклар (гентамицин, эритромицин, грамицидин)
  

Токсикодермия клиникаси

Токсикодермия - озиқ-овқат маҳсулотлари ва дори-дармонлар натижасида тери ва шиллиқ қаватларни ўткир яллиғланиши.

Токсикодермиянинг клиникаси ҳар хил катталикда, шаклда бўлган кўпроқ эритема, тугунча, пуфакча ва бўртма тошмалари билан ифодаланиши мумкин ва кўпинча қаттиқ қичиш ва ачишиш билан кечади.
Даволаш принциплари:
1. Дори-дармонларни қабул қилишни тўхтатиш.
2. Аллергенни бартараф қилиш ва кўп суюқлик қабул қилиш.
3. Дезинтоксикацион, антигистамин ва десенсибилизацияловчи терапия.
4. Маҳаллий кортикостероид малҳамлари.
5. Жуда оғир кечганда кортикостероид препаратлари ичилади.