Abbatisa – ayollar katolik monastirlarining boshqaruvchilari. Abbatlik

Kutnogor dekreti – 1409-yil 18-yanvarda Chexiya qiroli Vatslav IV tomonidan chiqarilgan farmon. Farmongacha Praga universitetida asosan talabalarning 4 ta yurtdoshlik – chex, polshalik, sakson va bavar uyushmasi bolib, polyaklarning kamayib ketishi va asosan sileziyalik nemislarning qolishi hisobiga “nemis” yurtdoshligi universitet ishlari uchun muhim boʻlgan qarorlarni qabul qilishda 3 ta ovozga, “chex” yurtdoshligi boʻlsa oʻzlarining mahalliy universitetida 1 ta ovozga ega boʻlgan. K.D. bilan “chex” yurtdoshligiga 3 ta, qolganlarga (polshalik, bavar va sakson) 1 ta ovoz qoldirildi. Chexlardan rektor va dekan tayinlash belgilandi.
Kutyumlar (frans.coutume – an’ana) – Fransiyaning alohida feodallik hududlarida shakllangan mahalliy an’analar. Ular qadimiy urf-odatlar asosida shakllanib, maxsus yorliqlar bilan belgilangan. Ular dehqonlar va shaharliklarning senorlar bilan munosabatlarini tartibga solib turgan. XIII asrgacha Fransiyaning shimolida oʻziga xos yozilmagan tartiblar mavjud boʻlsa, janubda yozilgan, qat’iy tartiblar amalda boʻlgan. Ular qadimgi Rim qonunlari asosida ishlab chiqilgan. XV asrda Fransiyada taxminan 60 ta provinsiyalar va 300 dan ortiq mahalliy K. amalda boʻlgan. Shu bilan birga ular qimmatli manbadir. Ularning orasida “Katta norman sudebnigi’ (XIII asr oʻrtalari) va “Bovez K.” (1280-yilda tuzilgan).
Kvadrium – “Yetti erkin san’at”ga qaralsin.
Kvartrochento (ital. toʻrt yuz) – XV asrda san’at va madaniyat tarixida Italiya san’ati taraqqiyotida ma’lum bir davrni – ilk Uygʻonishni va Yuqori Uygʻonishni anglatuvchi tushuncha. Arxitektura, tasviriy san’at va haykaltaroshlikning gullab-yashnashi bilan xarakterlanadi. Bu davrda mashhur boʻlgan arxitektor – Brunelleski, haykaltarosh Donatello, rassom Mazachcho, XV asr boshlarida Leonardo da Vinchi ijod qilishgan.
Kvaternion (lot.quaterni – toʻrttadan) – teng ikkiga buklangan va daftarlarga toʻrttadan muqovalangan pergament varaqlari. Keyinroq varaqlar sonidan qat’iy nazar barcha daftarlar shu nom bilan atala boshlandi. Ulardan qoʻlyozma kitoblarni tuzishgan.
Kvestor (lot.quayestor – qidiruvchi) – ostgotlar Italiyasida moliyaviy va sud ishlari bilan shugʻullanuvchi mansabdor.