Abbatisa – ayollar katolik monastirlarining boshqaruvchilari. Abbatlik

Gvardiya – harbiy qoʻshindagi alohida ajratilgan bir guruh. XII asrda Italiyada tashkil qilinib, ular davlat muassasalarini himoya qilish uchun tashkil qilingan. Davlatlar tomonidan doimiy armiyalarning tashkil qilinishi bilan G.lar ikki xil tartibda boʻla boshladi. Birinchisi monarxni qoʻriqlash uchun, ikkinchisi harbiy harakatlarda ishtirok etish uchun tashkil qilingan. G.lar odatda yaxshi harbiy ta’lim olgan va juda yaxshi qurollantirilgan. G.lar XV asr boshlarida Fransiyada, keyinroq Angliya va XVII asrda Shvetsiya va Prussiyada hamda boshqa davlatlarda tashkil qilingan.
Gvelflar – Gogenshtaufenlarga dushman boʻlgan sakson gersoglari boʻlgan Velflar nomidan olingan Italiyadagi guruh, partiya. "Muqaddas Rim imperiyasi" imperatorlariga qarshi kurashgan va papalar bian ittifoqda boʻlgan. Ular bank, savdo va sanoat (hunarmandchilik) sohalarining yirik vakillari boʻlgan. "Gibellinlar" nomi gogenshtaufenlarning qasrlaridan biri “gaubeling”ning lotinlashgan nomlanishidan olinib, ular imperator tarafdorlari boʻlgan. Ular asosan dvoryanlardan iborat boʻlib, Apennin yarim orolida hukmronlik uchun Rim papasi va imperator oʻrtasidagi kurash davrida vujudga kelgan.
Gyozlar (frans.qashshoqlar) – Niderlandiyaning mustaqillik urushida Ispaniyaga qarshi ozodlik kurashi ishtirokchilari. Dengiz G. dengizda, oʻrmon G. quruqlikda kurash olib borishgan.

~ H ~

Hisob Palatasi – oʻrta asrlarda Fransiyada moliya vazirligi.
Hunarmandchilik – sanoat mahsulotlarini qoʻl mehnati asosida ishlab chiqaruvchi mayda ishlab chiqaruvchilar. H.da mehnat taqsimotiga amal qilinmasdan, alohida bir shaxsning mehnatiga asoslangan. Hunarmandlar asosan oʻz uylarida yoki ustaxonalarida ishlashgan. Ayrim paytlarda buyurtmachining uyiga borib (bondar va boshqalar) ishlagan. Tovar–pul munosabatlarining kuchayishi natijasida hunarmandlar ustaxonalari koʻproq bozorlarga koʻcha boshlagan.
“Hunarmandchilik kitobi” – bir kitobga toʻplangan yuzta Parij sexlari statutlari qaydlari. 1268-yilda qirol mulozimi boʻlgan Etyen Bualo koʻrsatmasiga binoan toʻplangan. Oʻrta asr shahar hayoti va hunarmandchilik tarixini oʻrganishda muhim manba hisoblanadi.