Abbatisa – ayollar katolik monastirlarining boshqaruvchilari. Abbatlik

Bann, ban (nem. rasmiy e’lon, bildirgi) – davlat boshligʻining oliy hokimiyatni – sud (sud B.i) va harbiy (harbiy B.) amalga oshirish, farmoyish chiqarish, jazoga mahkum etish va shu kabi huquqlari. Ilk oʻrta asrlar davrida B. qirolga va davlat mansabdor shaxslariga tegishli boʻlgan. Shu davrda feodalning u yoki bu hududda sud hokimiyatini amalga oshirishi ham B. deb atalgan.
Baptisteriy (yunon.baptisterion – jom, togʻora) – choʻqintirish uchun moʻljallangan bino. Soborlar yonida alohida inshoot sifatida sakkiz burchakli yoki aylana shaklda qurilgan. Koʻpincha gumbaz bilan yopilgan. B.lar haykallar va mozaikalar bilan bezatilgan, oʻrta qismiga choʻqintirish uchun jom qoʻyilgan. Ravennadagi (V asr oʻrtalari–VI asr boshlari), Pizadagi (1153-yilda qurilishi boshlangan) va Florensiyadagi (XI-XIII asrlar) B. mashhur boʻlgan.
Barbett – XIII-XIV asrlardagi iyakni yopib turuvchi va boshni bogʻlab turuvchi kichik kosinka (uchburchak roʻmol) shaklidagi ayollar bosh kiyimi. Koʻchaga chiqishdan oldin B. ustidan yopinchiq tashlangan. Salib yurishlari davrida ritsarlik qurol-yarogʻlarida bosh va boʻyinni yopib turuvchi aslahalarga taqlid tarzida paydo boʻlgan. B. asosida katolik rohibalarining bosh kiyimi yaratilgan.
Bard – Galliya va Britaniyadagi qadimgi qoʻshiqlarning kelt ijrochilari. Oʻrta asrlarda B. Uelsda saqlanib qolgan boʻlib, u yerda alohida huquq va imtiyozlarga ega boʻlgan maxsus hamjamiyatlarni tashkil etishgan.
Bardilar – Florensiyadagi qadimgi bankirlar urugʻi. Ular Yevropadagi yirik bank-savdo kompaniyalaridan birini boshqargan (XIII asr oʻrtalaridan to XIV asr oʻrtalarigacha); qirol va papalarning kreditorlari hisoblangan; ularning puli hisobiga Yuz yillik urush olib borilgan. XIII asr oxirlaridan B. Florensiyaning siyosiy hayotida ishtirok eta boshlaganlar.
Barkentina – yelkanli dengiz kemasi. Uchta machtasi boʻlgan, birinchi machtasi toʻgʻri, qolganlari uchburchakli yelkanlar bilan qoplangan.