Abbatisa – ayollar katolik monastirlarining boshqaruvchilari. Abbatlik

Artur afsonalari – markazida german qabilalari boʻlgan anglo-saksonlarga qarshi kurashgan brittlar qiroli Artur (V-VI-asrlar) turgan kelt xalq qissalari (asosan, Uels va Kornuoll xalqlari orasida). Artur tarixi haqida koʻplab rivoyat va afsonalar yaratilgan boʻlib, bu qahramon kelt va breton bardlarida (VIII asr) tilga olinadi. Artur – Gotfrid Monmutskiyning “Brittlar tarixi” (yoki “Britaniya qirollari tarixi”) asarining markaziy figurasi. Qirol Artur va uning “Doira stoli” ritsarlari haqidagi epos koʻplab ritsarlik romanlari va she’rlar uchun manba boʻlib xizmat qilgan. Fransiyada Kretyen de Trua, Germaniyada Gartman fon Auz Artur haqidagi rivoyatlardan foydalanishgan. A.A. mavzusida Angliyada eng yaxshi ingliz ritsarlik she’riy romani – “Ser Gavayn va Yashil ritsar”, shuningdek prozada T.Melori tomonidan “Artur oʻlimi’ (XV) romanlari yozilgan.
Arxiyepiskop (yunon.archos – boshi, ulugʻi) – bir necha yeparxiyalar ustidan boshliq boʻlgan yepiskop, yepiskoplarning kattasi. A. unvoni IV asr oxirida sharqiy xristianlik mazhabida paydo boʻlgan.
Arxidiakon – diakonlar ustidan boshliq boʻlgan arxiyepiskop huzuridagi shaxs.
Arxont – antik mualliflar asarlarida germanlardagi qabila boshligʻi, yoʻlboshchi unvonlaridan biri.
Aryergard (orqadagi qoʻshin) – qoʻshin oldi – avangardga qarama-qarshi asosiy qoshinning orqasidan harakatlanuvchi qism.
Asketizm, zohidlik (yunon.asketes – nima bilandir mashgʻul boʻlmoq) – tabiiy istak va mayllarni jilovlashga chaqiruvchi diniy-etik ta’limot. A. gunohga toʻla yer dunyosining (yovuzlik saltanati) oxirat dunyosiga (ilohiy faravonlik qirolligi) qarama-qarshi turishiga asoslangan. A. xristianlik, buddizm va braxmanizm dinlarining asosiy jihatlaridan biri hisoblanadi.
Aslar – qadimgi skandinavlar xudolari. German-skandinav afsonalarida oliy xudolar. A.ning bosh xudosi Odin sanalgan. Ular osmonda joylashgan, A. yurti boʻlgan Askardda istiqomat qilishgan. A. doimiy ravishda yotunlar (ulkanlar) bilan kurashib kelganlar. Shu ma’noda skandinavlarda A. “ezgulik” xudolari hisoblangan.