Abbatisa – ayollar katolik monastirlarining boshqaruvchilari. Abbatlik

~ N ~

Nansi – Fransiyaning shimoli-sharqidagi shahar. Bu yerda Burgundiya gersogi Karl Jasur qoʻshini bilan Rene gersogining asosini shvetsar yollanma askarlari tashkil qilgan armiyasi toʻqnash kelgan (1477-yil 5-yanvar). Jangda Karl Jasur yengiladi va natijada Burgundiya yerlari qirol Lyudovik XI qoʻshini tomonidan bosib olindi.
Natural xoʻjalik – Gʻarbiy Yevropada ilk oʻrta asrlarda asosini mayda dehqonchilik xoʻjaligi tashkil etuvchi xoʻjalik tipi. U oʻzida qishloq xoʻjalik texnikalarining quyi darajada rivojlanganligi uchun ham dehqonchilik va hunarmandchilikni birlashtirgan. Natural xoʻjalik hukmronligi sharoitida mahsulotlar asosan, sotish uchun emas, ishlab chiqaruvchi yoki yetishtiruvchining oʻz ehtiyoji uchun ishlab chiqarilgan.
Navarra kolleji – XIV-XV asrlarda Parij universitetining eng mashhur oʻquv muassasasi, fransuz gumanizmining beshigi. 1304-yilda qirol Filipp IV Chiroylining rafiqasi Janna Navarskiy tomonidan asos solingan Parij universitetidagi birinchi institut hisoblangan. Asosan ilohiyot oʻqitilgan, shuningdek grammatika va falsafa oʻqitilgan. Stipendiyalar (bursalar) garchi kam boʻlsada, ammo ovqatlanish uchun yetarli boʻlgan. Kambagʻallik – kollejga kirishning asosiy sharti boʻlgan, kimda kim benefitsiy olsa, u shu zahoti kollejdan chetlashtirilgan va uning oʻrniga navbatdagi qashshoq kishi olingan. Mana shu omil tufayli Parijda quyi tabaqadan chiqqanlar ham oʻz savodini oshirish imkoniyatiga ega boʻlgan. Sarbonnaning eshiklari butun dunyoga ochiq boʻlgani singari, kollejning eshiklari butun Fransiya uchun ochiq boʻlgan. Qirolning ruhoniysi kollejning bosh magistrini va stipendiya oluvchisini tayinlagan; Fransiyaning Hisob palatasi uning daromadlarini nazorat qilib borgan.
Nef (lot.navis – kema) – 1) Yevropada X-XVI asrlarda baland bortlarga va aylanasimon shakldagi korpusga ega boʻlgan parusli harbiy-savdo kemasi; 2) Ustunlar qatori bilan ajralib turuvchi gotik uslubidagi ibodatxonaning ichki qismi. Soborda bir necha N.lar boʻlishi mumkin.