Abbatisa – ayollar katolik monastirlarining boshqaruvchilari. Abbatlik

Orbis terrarium (lat. “yer kurrasi, dunyo”) – qadimgi rimliklarda oʻzlariga ma’lum boʻlgan dunyo va oʻzlari biladigan mamlakatlar. Yunon oykumenasiga (yer kurrasining insoniyat tomonidan oʻzlashtirilgan qismi) muqobil keladi.
Ordaliya (anglosakson.ordol – hukm, sud) – keng ma’noda “Ilohiy sud”, tor ma’noda olov va suv bilan sinash orqali amalga oshiriladigan sud. Ushbu sinovlardan koʻzlangan maqsad oʻzining aybsizligini koʻrsata olish yoki aybini boʻyniga qoʻyishdan iborat boʻlgan. Olov bilan sinash usulida gumondor (ya’ni sinovda qatnashayotgan) olovga oʻzining qoʻlini tutishi, yonayotgan olovdan yurib oʻtishi, qizigan temirni qoʻlida ushlash kabi holatda amalga oshirilgan. Suv bilan sinov boʻlsa qaynoq suv ichidan uzukni olish, qoʻli bogʻliq holda sovuq suvga tushirilish kabi usullarda amalga oshirilgan. O.lar oʻrta asrlarda koʻpgina xalqlarda uchragan, Yevropada XI-XV asrlarda keng tarqalgan edi.
Orden (lot.ordo – qator, tartib, turkum, guruh) – 1) Ma’lum bir nizom asosida faoliyat koʻrsatuvchi katolik rohiblik tashkilotlari; 2) Yarim rohiblik shaklidagi oʻrta asrlar ritsarlik tashkilotlari.
Ordonans (frans.buyruq) – Fransiya va Angliyada qonun kuchiga teng boʻlgan (Angliyada toifaviy vakillik organlari tasdiqlashi majburiy boʻlmagan) qirol farmon. Fransiyada O. XII asrning 2-yarmida paydo boʻlgan, XV asrga kelganda amaliyotda O. parlament tomonidan qayd qilingach (registratsiya) qonun kuchiga tenglashtirilishi joriy etildi. XIII asrning 2-yarmida Angliyada O. deb (statutlardan farqli ravishda) shaxsan qirol tomonidan chiqarilgan, koʻpincha vaqtinchalik xarakterdagi nisbatan muhim farmonlarga aytilgan.
Oriflamma (lot.aurum – oltin va flamma – qabila) – 1) bayroq, fransuz qirollariнинг oltin ip bilan tikilgan shtandarti (bayrogʻi); 2) koʻcha koʻndalangiga tortilgan ipga osilgan katta bayroq.
“Oriq xalq” – XIII-XV asrlarda Italiya shahar kommunalaridagi kambagʻallar. Undan tashqari XIII asr oʻrtalaridan Florensiyada mayda savdogarlar va hunarmandlarni anglatgan. XIV asr 1-yarmidan yollanib ishlovchilarni anglatgan boʻlsa, shu asrning 2-yarmidan mazkur atama oʻrniga “chompi” atamasi keng ishlatila boshlagan.