Abbatisa – ayollar katolik monastirlarining boshqaruvchilari. Abbatlik

Panlar – oʻrta asrlar Chexiyasida yirik yer egalari toifasi va unvoni. Bir qator slavyan tillarida erkaklarga murojaat atamasi.
Pannoniya – Markaziy Yevropada joylashgan Rim provinsiyasi. Hozirgi Vengriya, Avstriyaning sharqiy qismi, Slovakiyaning janubi-gʻarbi, Sloveniya va Xorvatiyaning shimoli, Serbiyaning shimoli-sharqi, Bosniya va Gersogovinaning shimoliy qismlarini qamrab olgan.
Papa – Rim papasiga qaralsin
Papalik davlati – Oʻrta Italiyada, Rimning markazida joylashgan Rim papaligining davlati. 756-yilda bu yerlar franklar qiroli Pipin Pakana tomonidan Rim papasi Stefan II ga tortiq qilishi natijasida paydo boʻlgan. Papalar dunyoviy hokimiyatga da’vosini asoslash uchun (oʻsha paytda Rim va uning atrofidagi hududlar huquqiy jihatdan Vizantiyaga tegishli deb qaralgan) “Konstantin tuhfasi” deb atalgan sohta hujjat yaratishgan. P.D.ning oʻziga xosligi shunda ediki, uning hukmdori bir paytning oʻzida butun katoliklarning boshligʻi hisoblangan. Mahalliy feodal zodagonlar papani birinchi navbatda bosh senor deb hisoblashgan va koʻpincha taxt uchun keskin kurashlar olib borganlar. Bu esa oʻz navbatida taxt merosxoʻrligi masala-sining keskinlashuviga olib kelgan. Natijada P.D.da selibat joriy etiladi, unga koʻra papalar merosxoʻr qoldirishga haqqi boʻlmagan, har safar papa vafot etgach yangi papa saylangan. XII-XIII asrlarda papalar oʻz hududlarini kengaytirishga muvaffaq boʻlishgan: Perudja, Balonya, Ferrara, Rim kabi shaharlar qoʻshib olindi. 1274-yilda Rudolf Gabsburg rasmiy ravishda P.D.ni Muqaddas Rim imperatoriligidan mustaqil deb tan oldi. Bu paytda P.D.i iqtisodiy jihatdan Shimoliy Italiyadan ortda qoldi. Papalar shaharlarning oʻz-oʻzini boshqarishiga yoʻl qoʻymagan, qishloqlardagi dehqonlar boʻlsa ogʻir sharoitlarda qaramlikda ushlab turilgan. Papalikning “Avinon qamali” vaqtida papalar amalda oʻz davlati nazoratidan mahrum boʻlib qolishgan. 1347-yil Rimda Kola di Rienso boshchiligida respublika oʻrnatish uchun isyon koʻtarildi, lekin samarasiz tugadi. XV asr davomida papalar hukmronligi oʻz davlati hududida qayta tiklandi, hatto XVI asr boshlarida bir muncha kengaydi. 1870-yilda P.D.i Italiyaga qoʻshib olinganligi tufayli tugatildi. 1929-yilda qayta tiklangan papa davlati bugungi kunda Vatikan nomi bilan 44 gektar maydonni egallab kelmoqda.