A. M. Karimova, D. M. Malikova pul va banklar

§10.3. Kredit sub`yektlari va ob`yektlari, resurslari va

manbalari

Kredit munosabatlarida 2 tomon, ya’ni, qarz beruvchi (Kreditor) va qarz oluvchi ishtirok etadi. Ularni kredit subʻyektlari deyiladi. Kredit sub`yektlari tarkibiga korxonalar, tashkilotlar, muassasalar, banklar, davlatlar, xalqaro tashkilotlar, turli fondlar va aholining turli toifalari kiradi.
Kredit 2 shaklda, ya’ni, pul mablag’lari yoki tovarlar shaklida beriladi. Ularni kredit obʻyektlari deyiladi. Kredit ob`yektlari har qanday pul mablag’lari va tovarlar emas, balki vaqtincha boʻsh turgan, berilishi mumkin boʻlgan pul mablag’lari va tovarlardir.

KREDIT SUBʻEKTLARI





Qarz beruvchilar- Qarz oluvchilar-
Korxonalar, firmalar, Korxonalar, firmalar,
kompaniyalar, banklar kompaniyalar, banklar
davlat idoralari, davlat idoralari
mamlakatlar, mamlakatlar,
xalqaro tashkilotlar, xalqaro tashkilotlar,
turli fondlar turli fondlar
aholi va boshqalar aholi va boshqalar





Chizma 13- Kredit subʻektlari

KREDIT OBʻEKTLARI





PUL MABLAGʻLARI VA TOVARLAR


14-Chizma.Kredit obʻektlari

Kreditga zarurat tug’ilganda, quyidagi boʻsh pul mablag’laridan kredit resurslari sifatida foydalanish mumkin:

1. 
   Asosiy fondlarni tiklash va kapital ta’mirlash uchun ajratiladigan amortizasiya fondlari sifatidagi pul mablag’lari;
   
2. 
   Tovarlarni sotish va zaruriy ishlab chiqarish resurslarini sotib olish vaqtlarining bir-biriga mos kelmaganligi tufayli vujudga kelgan boʻsh pul mablag’lari;
   
3. 
   Tovarlarni sotishdan tushgan pul tushumlari bilan ish haqini toʻlash vaqtlari orasida vaqtincha boʻsh turib qolgan pul mablag’lari;
   
4. 
   Kengaytirilgan takror ishlab chiqarish jarayonida yig’iladigan va kapitallashtirish uchun moʻljallangan qoʻshimcha mablag’lar;