A. M. Karimova, D. M. Malikova pul va banklar

Sarmoya - asosiy savdo mablag’. Kichik savdoda harakat qiluvchi mablag’ dastmoya deb yuritilgan.
Sarmoyador - qimmatli qog’ozlarni oʻz nomidan va oʻz hisobidan sotib oluvchi jismoniy yoki yuridik shaxslardir (davlatdir).
Sarrof - pul almashtiruvchi, pulni maydalovchi. Savdo rastalari va koʻchalarda oʻtirib, kishilarning yirik pullarini maydalab, qimmatbaho buyumlarini pulga almashtirib beruvchi shaxs. Sarroflar chet eldan kelgan savdogarlarning pullarini mahalliy pullarga almashtirib berish. Qimmatbaho toshlar, oltin, kumush va boshqalarning bahosini belgilash, pul va buyumlarni ma’lum vaqtgacha omonatga saqlash bilan ham shug’ullangan.
Svop (swap) – 1.(ingl. “svap”, “svop”) – almashuv, almashtirish ma’nosini bildiradi. Valyutaviy svop - bitimda belgilangan muddat va valyuta kursi boʻyicha hisoblashish (qayta almashuv) sharti asosida valyutalarni bir vaqtda sotib olish va sotish (almashuv) boʻyicha ikki tomonlama bitimdir. Valyutaviy svop operasiyasi ikki qismdan iborat boʻlib, birinchi qismini amalga oshirishda valyutalarning dastlabki almashinuvi (spot bitim), ikkinchi qismini bajarishda esa, qayta almashinuvi (forvard bitimi) va svop shartnomasining yopilishi sodir boʻladi. 2. Savdo koidalariga amal qilgan holda bitta qarzni toʻlash boʻyicha ma’lum bir muddat oʻtgandan soʻng shartlarni oʻzgartirish boʻyicha bitim.
Sindisiyalashtirilgan kredit - bir necha banklar tomonidan yirik investisiya loyihalarini birgalikda kreditlash.
Sintetik schyotlar - mablag’lar va xoʻjalik jarayonlarining umumlashgan hisobi, pul birliklarida yuritiladigan schyotlarga aytiladi.
Sintetik hisob - sintetik schyotlar yordamida amalga oshiriladigan hisob.
Slip (bankomat yoki terminal kvitansiyasi) – 1. Bank kartalari yordamida tuziladigan va undan foydalanilgan holda operasiya olib borilganligini tasdiqlovchi hisob-kitob hujjati. 2. Bank plastik kartochkasidan foydalangan holda operasiya oʻtkazilganligini tasdiqlovchi va oʻzida operasiya summasi, turi, sanasi, shuningdek bank plastik kartochkasini hamda ushbu slipni shakllantirgan terminalni identifikasiya qilish imkonini beruvchi axborotlarni aks ettiruvchi terminal kvitansiyasi.
Subvensiya - davlatning mahalliy organlarga pul koʻmagi. Dotasiyalardan farqli ravishda subvensiyada muayyan korxonalar moliyalashtiriladi va maqsadli foydalanish tartibi buzilsa, qaytarib olinadi.
Ssuda - bankdan pul shaklida berilgan kredit. Ssuda foizi (prosenti) kreditning toʻlovlilik tamoyilidan kelib chiqadi. Iqtisodiy adabiyotlarda «ssuda foizi», «qarz foizi», «kredit foiz stavkasi», oddiygina «foiz» yoki «prosent» kabi atamalar uchrab turadi. Ularning barchasi bir xil ma’noni bildiradi.