A. M. Karimova, D. M. Malikova pul va banklar

Narx, baho - 1. Tovar qiymatining puldagi ifodasi. Bozor sharoitida narx qiymat oʻlchovi, rag’batlantirish omili, daromadlarni qayta taqsimlash vazifalarini bajaradi. 2. Narsaning, buyumning pul bilan oʻlchanadigan qiymati, bahosi.
Narx diapozoni - narxlar oraligining puldagi ifodasi.
Narx indeksi - joriy yildagi iste’molchilik tovarlari narxining bazis yilidagi iste’molchilik tovarlari narxiga nisbatining foizlardagi ifodasi.
Narx turlari - narx tizimini tashkil etuvchilar. Ularning eng muhimlari ulgurji va chakana, shartnoma, chegaralangan, demping, nufuzli, qat’iy, erkin va hokazo narxlar.
Natural (maxsulot) ishlab chiqarish - mehnat natijalari ishlab chiqaruvchilarning oʻzlari tomonidan iste’mol qilinadigan, ichki xoʻjalik extiyojlarini qondiradigan xoʻjalik yuritish shakli.
Natural xoʻjalik yuritish - bu agar kishilar oʻz ehtiyojlari uchun zarur boʻlgan barcha mahsulotlarni oʻzlari yetishtirsalar, ya’ni, hech narsa sotib olmasalar va sotmasalar, bunday xoʻjalik yuritish natural xoʻjalik yuritishdir.
Obligasiya - 1. Lotincha «obligation» soʻzidan olingan boʻlib, u majburiyat degan ma’noni anglatadi. Buning egasi qarz berganligidan guvohlik beruvchi va unga ushbu qimmatli qog’ozning nominal qiymatini unda koʻrsatilgan muddatda belgilangan foiz toʻlangan holda qoplash majburiyatini tasdiqlovchi qimmatli qog’oz. 2. Emitentning qarz majburiyati qat’iy foiz stavkasi shaklida belgilangan qimmatli qog’ozning bir turidir.
Overdraft - 1. Chek boʻyicha olingan joriy hisob raqamdagi qoldiqdan ortiqcha summa. 2. Bankdagi kreditning oshib ketishi. 3. Bank mijozning hisob raqamidagi qoldiqdan ortiq mablag’ni hisobdan chiqarish yoʻli bilan beriladigan qisqa muddatli kredit.
Omonatchi - bu oʻzining kundalik ehtiyojidan ortiq pul mablag’larini jamg’arish uchun bankdagi hisob varaqqa omonat sifatida pul mablag’larini jamg’arish uchun bankdan omonat daftarchasini olgan shaxsdir.