A. M. Karimova, D. M. Malikova pul va banklar

Konversiya - (lat.konversio-oʻzgarish)- harbiy ishlab chiqarish va boshqa xil harbiy faoliyat sohalarining tinchlik maqsadlariga koʻchirilishi.
Kotirovkalash – bu valyuta kursini oʻrnatishdir. Jaxon amaliyotida kotirovkalashning 2 xil usuli mavjud: Valyuta kursini tug’ri kotirovkalash, Valyuta kursini egri kotirovkalash.
Kredit - 1. Lotincha «kredit» - «qarz» soʻzidan olingan boʻlib, pul mablag’lari, tovar va xizmatlarini kelishilgan foizda qaytarish sharti bilan vaqtincha foydalanishi uchun pul yoki material mablag’lari berish jarayonida yuzaga keladigan iqtisodiy munosabatlar tizimi. (qarz, nasiya). 2. Oʻz egalari qoʻlida vaqtincha boʻsh turgan pul mablag’larini boshqalar tomonidan ma’lum muddatga haq toʻlash sharti bilan olish va qaytarib berish yuzasidan kelib chiqadigan munosabatdir. 3. Jismoniy va yuridik shaxslarning vaqtinchalik boʻsh mablag’larlarini muayyan tamoyillar asosida qaytarish sharti bilan foydalanishga berish jarayonida vujudga kelgan iqtisodiy munosabatlar majmui.
Kreditor - qarzga mablag’ beruvchi tomon.
Kredit pullari - 1. Kredit aloqalarida ishlatiladigan pullardir (banknotlar, veksellar, cheklar, kredit kartochkalari). Kredit pullar oltin oʻrniga paydo boʻlgan, qarz beruvchi va qarzdor oʻrtasidagi hamda bank vositasida amalga oshiriladigan harakatlarda qoʻllaniladigan pullar. 2. Kredit munosabatlari asosida yuzaga keluvchi, toʻlov vositasini bajaruvchi qiymat belgilari.
Kredit siyosati - banklarning kredit faoliyati boʻlib, ssuda kapitalini joylashtirish bilan amalga oshiriladigan siyosat. Kredit siyosatining elementlariga quyidagilar kiradi: kredit siyosatining maqsad va vazifalari, kredit yoʻnalishini tashlash, kredit operasiyalarini amalga oshirish texnologiyasi, kreditlash tartibining nazorati.
Kreditlash tamoyillari. Kredit munosabatlari quyidagi tamoyillar (prinsiplar)ga rioya etgan holda amalga oshiriladi: Qaytarib berishlik. Muddatlilik. Ta’minlanganlik. Maqsadlilik. Toʻlovlilik. Samaradorlik.