A. M. Karimova, D. M. Malikova pul va banklar

Moddiy buyumlashgan boylik - milliy boylikning inson mehnati bilan yaratilgan ashyoviy - buyum koʻrinishiga ega boʻlgan qismi.

Moliya - pul fondlarining shakllanishi, taqsimlanishi va foydalanishini tartibga solish bilan vujudga keladigan munosabatlardir.Tarixan bank kapitali bilan sanoat va boshqa kapitallar qoʻshilishi natijasida hosil boʻlgan kapital munosabatlari. Moliya pul mablag’laridan foydalanish va uning harakatini tartibga solish, turli darajadagi pul fondlarini vujudga keltirish va takror ishlab chiqarish ehtiyojlari va boshqa ijtimoiy ehtiyojlarni qondirish maqsadida ularni taqsimlashni ifodalaydi.

Monometalizm - pul tizimida mustaqil unsur boʻlib, bunda bitta metallga barcha tovarlar qiymatini oʻzida aks ettiruvchi umumiy ekvivalent roli beriladi.
Monometall - agar tangalar faqat bir xil metalldan, ya’ni, oltin yoki kumushdan zarb qilinsa shunday pul tizimi monometall pul tizimi deyiladi.
Naqd pul aylanishi - ma’lum davrda naqd pullar vositasida amalga oshirilgan barcha toʻlovlar yig’indisi. Bu toʻlovlar banknot yoki tangalar orqali amalga oshiriladi.
Naqd pul muomalasi - mamlakat pul tizimida amaldagi qonunchilik boʻyicha naqd pullarni muomalaga chiqarilishi, aylanishi (harakati) va muomaladan chiqarilishi.
Naqd pulsiz oborot - pul oborotining bir qismi boʻlib, unda pullar harakati oʻzaro talablar hisobiga kredit muassasalaridagi hisob varaqlar boʻyicha pul oʻtkazish yoʻli bilan amalga oshiriladi va bunda naqd pullar ishlatilmaydi.
Naqd pulsiz hisob-kitoblar -pul mablag’larining bankdagi bir hisob raqamidan boshqa hisob raqamiga naqd pul ishtirokisiz, faqat hujjatlar asosida oʻtkazish tushuniladi. Odatda, naqd pulsiz hisob - kitoblarni koʻpchilik «pul koʻchirish» yoki «pul oʻtkazish» deb tushunadi. Korxona va tashkilotlar tomonidan tovar ayirboshlash, xizmatlar koʻrsatish va notovar operasiyalar boʻyicha bir-biriga boʻlgan talab va majburiyatlarni naqd pul ishlatmasdan pul mablag’larini faqat hujjatlar orqali bir hisob varaqdan ikkinchi hisob varaqqa oʻtkazish orqali amalga oshiriladigan hisob- kitoblar.