A. M. Karimova, D. M. Malikova pul va banklar

Inflyasion farq - yalpi sarflarning sof milliy maxsulot qiymatidan ortiq boʻlgan miqdori.
Inqiroz – 1. Taraqqiyotning orqaga qaytishi, pasayishi, tanazzuli, regress, tushkunlik; 2. ishlab chiqarilgan tovarlar va koʻrsatilayotgan xizmatlarning kasodga uchrashi natijasida ishlab chiqarish va xizmat koʻrsatish koʻlamining kamayib ketishi.
Ipoteka - bankning garov xat, koʻchmas mulk garovi asosida muayyan muddatga ssuda berishi. Qarzga pul olish maqsadida koʻchmas mulk, yer va qurilish binolarini garovga qoʻyish. Bunda garovga qoʻyilgan mulk qarz oluvchining tasarrufida qoladi.
Ipoteka banki - kredit muassasa boʻlib, u koʻchmas mulkning garovi (yer, inshoot va boshqalar) hisobiga uzoq muddatli pul ssudalari beradi, shuningdek, garovga qoʻyiladigan koʻchmas mulkdan ta’minlanadigan garov varaqalari chiqaradigan bankdir.
Ipoteka kredit oluvchi – koʻp qavatli uydagi kvartirani sotib olish uchun olingan kreditni kredit shartnomasida belgilangan shartlarda qaytarish majburiyatini oladigan, Qoraqalpog’iston Respublikasi Vazirlar Kengashi, viloyatlar va Toshkent shahar hokimliklari qoshidagi ishchi guruhlarining tavsiyalariga ega boʻlgan fuqaro.
Ipoteka krediti - koʻchmas mulkni garovga olib, uzoq muddatga beriladigan kredit. Joylarda tasdiqlangan namunaviy loyihalar boʻyicha yakka tartibdagi uy-joy qurilishiga barpo etiladigan uy-joy garovi ostida beriladigan uzoq muddatli kredit. Ipoteka kreditlari tijorat banklari tomonidan qaytarishlik, toʻlovlilik, ta’minlanganlik va muddatlilik shartlarida beriladi.
Iste’mol krediti - 1. Aholining iste’mol talablarini qondirishga beriladigan kredit. Bu kredit uy roʻzg’or buyumlarini: radio-elektron va boshqa maishiy asbob uskunalar, mebellar, interer buyumlari, turar joyni ta’mirlash bilan bog’liq tovarlarni xarid qilish uchun 3 yilgacha muddatga beriladigan kredit. 2. Tijorat banklari iste’molchilarga tovar sotib olish uchun bergan qarzidir. Markaziy bank tomonidan barqarorlik davrida qoʻllaniladigan pul siyosati dastagi. U banklar va boshqa maxsus kredit institutlari tomonidan aholining uzoq muddatli iste’mol tovarlarini sotib olish uchun beriladigan kredit.