A. M. Karimova, D. M. Malikova pul va banklar

Devizlar - chet el valyutasida ifodalangan xalqaro hisob- kitoblarda qoʻllaniladigan kredit hamda toʻlov hujjatlari (veksel, chek, oʻtkazmalar va h.k.).
Deklarasiya – 1. Hukumat, tashkilot, firma nomidan rasmiy e’lon qilingan bayonot; asosiy prinsiplarni tantanali e’lon qilish; 2. Bojxonada deklarasiya- qimmatbaho buyumlarni, mahsulotlarni chegaradan olib chiqishda va qimmatbaho paketlarga, banderolga qoʻshib joʻnatiladigan hujjat. Ushbu hujjatda paket mazmuni, qiymati koʻrsatiladi: 3. Soliq deklarasiya-daromadning miqdori, manbai, mulk hajmi va boshqalar xususida soliq toʻlash uchun yozilgan ariza.
Demonopolizasiya - (lat. De-ajratish, bekor qilish-old qoʻshimchasi, yunon. mono- tanho va poleo-sotaman)-sog’lom iqtisodiy bellashuvga yoʻl berish maqsadida yakka hokim korxonalar va birlashmalar oʻrniga oʻzaro raqobatlashuvchi koʻplab korxonalarni tuzish. Demonopolizasiya ikki yoʻl bilan amalga oshiriladi: 1. Yirik monopol mavqyedagi birlashmalar, kompaniyalar tarqatilib, ulardan mustaqil korxonalar ajralib chiqadi; 2. Yakka hokim korxona, birlashma yoki kompaniyalar saqlangan holda ular bilan raqobat qila oladigan korxona yoki birlashmalar tashkil etish.
Denominasiya - valyutani barqarorlashtirish va hisob- kitoblarni osonlashtirish maqsadida pul belgilarining koʻrsatilgan qiymatini yiriklashtirish. Bunda eski pul belgilari yangilarga almashtirib beriladi, shunga muvofiq narx-navo va ish haqi qayta hisoblanadi.
Depozit - 1. Lotincha soʻzdan olingan boʻlib, lug’aviy ma’nosi-saqlash uchun topshirilgan buyum ma’nosini bildiradi. Iqtisodiyotda mijozning oʻz mablag’ini vaqtincha foydalanish uchun bankga topshirish natijasida vujudga keladigan iqtisodiy munosabati. 2. Bank jamg’armasi. Banklarda saqlash uchun topshirilgan pul mablag’lari yoki qimmatli qog’ozlar.
Depozit bank - pul mablag’larini, qimmatli qog’ozlarni va boshqa boyliklarni saqlash bilan shug’ullanuvchi bank.
Depozit operasiyalar - banklarning depozitorlar bilan tuzgan shartnomalari asosida depozit maqsadlariga koʻra yuridik va jismoniy shaxslarning pul mablag’larini muayyan muddatga jalb etish hamda saqlashga doir operasiyalaridir.