A. M. Karimova, D. M. Malikova pul va banklar

Davlat byudjeti profisiti – davlat byudjeti daromadlarining xarajatlarga nisbatan koʻproq boʻlishi.
Davlat byudjeti taqchilligi – byudjet xarajatlarining byudjet daromadlariga nisbatan oshib ketishi natijasida moliyaviy resurslar yetishmovchiligining vujudga kelishi.
Davlat ichki qarzlari – davlat tomonidan ichki mablag’ni jalb qilish natijasida vujudga kelgan Oʻzbekiston Respublikasi majburiyatlarining yig’indisi.
Davlatning iqtisodiy vazifalari - iqtisodiy tizimning moʻtadil faolyat koʻrsatishi uchun shart-sharoitlar yaratish, uni tartiblash va oʻsib borishini ta’minlashga oid iqtisodiy chora-tadbirlarni amalga oshirish.
Davlatning moliyaviy siyosati - davlatning moliyaviy munosabatlarni takomillashtirish borasidagi muayyan davrga moʻljallangan chora-tadbirlari.
Davlat qarzlari –1. Davlatning mamlakatda qimmatli qog’ozlarni chiqarish shaklidagi, turli byudjetdan tashqari fondlardan (ichki qarz) hamda xorijiy davlatlardan, ulardagi jismoniy va yuridik shaxslardan, shuningdek, xalqaro moliyaviy tashkilotlardan (tashqi qarz) olgan qarzlari. 2. Davlat tomonidan ichki mablag’ni va xorijdan mablag’ jalb qilish natijasida vujudga kelgan Oʻzbekiston Respublikasi majburiyatlarining yig’indisi.
Davlat krediti - uning asosiy xususiyati kredit munosabatlarida davlatning qatnashuvidir. Davlat kreditida davlat qarz beruvchi va qarz oluvchi sifatida ham ishtirok etishi mumkin.
Davlat maqsadli jamg’armalari – davlat byudjeti tarkibida jamlanadigan jamg’armalar boʻlib, ularning har biri uchun mablag’lar manbalari, har bir manbadan mablag’ tushishi me’yorlari va shartlari, shuningdek, shu mablag’lardan foydalanilishi mumkin boʻlgan maqsadlar qonun hujjatlari bilan belgilanadi.
Davlat mulki – 1. Davlat ixtiyoridagi yer va kapital kabi boyliklar. 2. Jamiyatdagi mulkchilik shakllaridan biri. Davlat mulki ikki yoʻl bilan paydo boʻladi: 1) xususiy mol-mulkni milliylashtirib davlat qoʻliga olish;
Devalvasiya - 1. Mamlakat milliy valyutasining xorijiy valyuta kursiga nisbatan kamayishi. 2. Xalqaro valyuta birliklariga yoki chet el valyutasiga nisbatan milliy valyuta kursining sun’iy pasaytirilishidir.