A. M. Karimova, D. M. Malikova pul va banklar

Valyuta birjasining savdo tizimi - Markaziy bank va vakolatli banklar oʻrtasidagi, shuningdek banklarning oʻzaro valyutali svop operasiyalari boʻyicha elektron savdolar amalga oshiriladigan valyuta birjasining avtomatlashtirilgan elektron tizimi.
Valyuta bozori - 1. Moliya bozorining bir koʻrinishidir. Bunday bozorda turli mamlakatlar valyutasi oldi-sotdi qilinadi. Bozorda korxona, firma, davlat idoralari va fuqarolar qatnashadi. Oʻzbekistonda valyuta oldi-sotdi qilish operasiyalari bilan Respublika Markaziy banki, Respublika Tashqi Iqtisodiy faoliyat Milliy banki va shunday faoliyat uchun ruxsat berilgan boshqa banklar shug’ullanadi. 2. Talab va taklif asosida turli xil valyutalar oldi-sotdi qilinadigan rasmiy markazlardir. 3. Xorijiy valyutalar yoki xorijiy valyutadagi toʻlov hujjatlari boʻyicha operasiyalarni amalga oshirish bilan bog’liq iqtisodiy munosabatlarning alohida sohasidir.
Valyuta devalvasiyasi - milliy valyuta kursining xorijiy valyutaga nisbatan rasmiy tarzda pasaytirish.
Valyuta dempingi - bu valyuta kursining tushish natijasida uning xarid qilish qobiliyatini pasayishidan foydalangan holda tashqi bozordagi raqobatchilarni siqib chiqish maqsadi bilan, bog’liq holda tovarlarni jamiyatda oʻrtacha narxlaridan past darajada keng koʻlamda eksport qilishidir.
Valyuta konvertasiyasi - boshqa valyutalarga almasha olish xususiyati tushuniladi.
Valyuta kotirovkasi - joriy qonun asoslari va amaliy faoliyatidan kelib chiqqan holda banklarda chet el valyutasi kursining belgilanishi.
Valyuta kursi - bir pul birligi bahosining boshqa pul birligida ifodalanishi, bir mamlakat valyutasini ikkinchi mamlakat valyutasiga real almashish proporsiyasi (nisbati).
Valyuta kursini tug’ri kotirovkalash. Agar xorijiy valyuta birligining bahosi milliy valyutada koʻrsatilsa, ya’ni, milliy valyutada xorijiy valyutaning bir birligiga t o’g’ri keladigan miqdorda koʻrsatilsa, to’g’ri kotirovkalash deb ataladi. Masalan, 1998 yilning 10 martida 1 AQSh dollariga nisbatan oʻzbek soʻmining kursi 83,39 soʻmni, 1 Rossiya rubliga nisbatan - 13,72 soʻmni tashkil etdi. Bunday kotirovkalash hozirgi vaqtda jaxondagi koʻpchilik mamlakatlarda koʻllanilib kelinmoqda.