A. M. Karimova, D. M. Malikova pul va banklar

Bank operasiyalari - banklarning pul mablag’larni jalb etish va ularni joylashtirish, pullarni muomalaga kiritish va ularni muomaladan chiqarish, hisob- kitoblarni amalga oshirish va boshqa operasiyalari bilan shug’ullanadilar. Bank operasiyalarga passiv bank operasiyalari, aktiv bank operasiyalari va komissiya (vositachi) operasiyalari kiradi.
Bank plastik kartochkasi – uning egasiga bank hisob varag’i boʻyicha operasiyalarni, shu jumladan hisobvaraq orqali naqd pulsiz hisob-kitoblarni (toʻlovlarni) amalga oshirish va undan naqd pul mablag’larini olish imkonini beruvchi elektron toʻlov vositasi.
Bank resurslari - 1. Banklarning ixtiyorida boʻlgan va ular tomonidan kredit, investisiya va boshqa aktiv operasiyalar uchun foydalaniladigan mablag’larning yig’indisi. 2. Bankning oʻz mablag’lari va qarzga olingan hamda jalb etilgan mablag’laridan, hamda emitentlashgan mablag’laridan iborat boʻlgan mablag’lardir.
Bank tizimi - 1. Mamlakat hududida tarixan shakllangan va qonun bilan mustahkamlangan kredit tashkilotlarining faoliyat koʻrsatish shaklidir. Xuddi pul va moliya tizimi kabi bank tizimi oʻziga xos milliy belgilariga egadir. Shu belgilar shu hududning, geografik shartlari, ob-havo, aholi milliy tuzilishi, ularni nima bilan mashg’ulligi, qoʻshnilar bilan munosabati, savdo yoʻllari va omillar asosida shakllanadi. 2. Oʻzbekiston Respublikasi bank tizimi ikki pog’onadan iborat. Birinchi pog’ona banki-Markaziy bank, ikkinchi pog’ona banklari tijorat banklari tizimi.
Bank tizimining likvidligi - bankning oʻz majburiyatlarini vaqtida va soʻzsiz bajara olish imkoniyati.
Bank trattasi - tashqi savdoda foydalaniladigan bank
Bank faoliyati - yuridik va jismoniy shaxslardan omonatlar qabul qilish hamda qabul qilingan mablag’lardan tavakkal qilib kredit berish yoki investisiyalash uchun foydalanish va toʻlovlarni amalga oshirish tushuniladi.
Bank filiali - bu bank tomonidan bank operasiyalarining hammasini yoki bir qismini, jumladan, vakil vazifalarini amalga oshiruvchi alohida bank boʻlinmasi. Uni tashkil etgan bank nomidan bank faoliyatini amalga oshiruvchi alohida boʻlinmadir.