A. M. Karimova, D. M. Malikova pul va banklar

Baholar masshtabi - deganda, milliy pul birligining qonunda belgilangan oltin mazmuni, ya’ni, oltinga tenglashtirilishi tushuniladi. Masalan, sobiq SSSR da 1961-yilda muomalaga kiritilgan 1 rubl 0,987412 gramm oltin asosiga, 1976 yilga kadar 1 AQSh dollari 0,767405 gramm oltin
Bimetalizm - bu pul tizimida mustaqil unsur boʻlib, bunda ikki metalga: oltin va kumushga qonuniy tartibda umumiy ekvivalent oʻrni biriktirib qoʻyiladi. Bu metallardan erkin ravishda tangalar zarb qilinadi va ular muomalada erkin harakatda boʻladi.
Bir pog’onali bank tizimi - banklar orasidagi gorizontal bog’liqlikni (operasiyalar va funksiyalarining universallashuvi) anglatadi, ya’ni, bunday bank tizimi iqtisodiyoti zaif rivojlangan va totalitar, ma’muriy boshqaruv rejimidagi mamlakatlar uchun xarakterlidir.
Bir hudud ichidagi hisob- kitoblar - bu hisob- kitob markazida vakillik hisob varag’iga ega boʻlgan banklar orasidagi hisob- kitoblardir.
Birgalikdagi tadbirkorlik - oilaviy tadbirkorlik, kasanachilik faoliyati, yuridik shaxs tashkil qilmagan dehqon xoʻjaligi hamda oddiy shirkatlar faoliyati.
Bolish - mug’ullar va qisman turklar orasida (XSh -XIV asrlar) muomalada boʻlgan tilla yoki kumush pul. 1 bolish 75 dinorga teng boʻlgan. Ba’zi manbalarda esa 1bolishni 300 dinorga barobar boʻlgan deb koʻrsatilgan. Bolishning vazni 150 misqoldan 600 misqolgacha boʻlib, oltin va kumush bolishlarning muhri va yozuvlari boʻlmagan.
Bosh bank - bir yoki undan ortiq shu’ba xoʻjalik uyushmalariga ega boʻlgan bank.
Byudjet - bu davlat va mahaliy oʻz-oʻzini boshqarish vazifalari va funksiyalarini moliyaviy ta’minlash uchun moʻljallangan pul mablag’lari jamg’armalarini toʻlash va sarflash shaklidir.
Byudjet balansi - byudjet daromadlari va xarajatlarining mutanosibligi, tengligi.
Byudjet defisiti - byudjet xarajatlarining byudjet daromadlaridan oshib ketishi natijasida vujudga kelgan taqchillik.
Byudjet dotasiyasi - oʻz daromadlari va byudjetni tartibga soluvchi boshqa mablag’lar yetishmagan taqdirda quyi byudjetning harajatlari bilan daromadlari oʻrtasidagi farqni qoplash uchun yuqori byudjetdan quyi byudjetga qaytarmaslik sharti bilan ajratiladigan pul mablag’lari.