A. M. Karimova, D. M. Malikova pul va banklar

Ssuda operasiyalari - banklarga daromadning asosiy qismini olib keladi, vaqtincha harakatsiz yotgan pul mablag’larini joylashtirish, muomala va iste’molni rag’batlantirgan holda harakatga soladigan operasiyalar.
Ssuda foizi - qarz beruvchi ma’lum bir vaqtga qarz berganligi uchun qarz oluvchidan olinadigan foizlar. Boshqacha qilib aytganda, ssuda foizi kreditning bahosidir.
Sudxoʻrlik krediti - kreditning eng qadimiy shaklidir. Sudxoʻrlik krediti barcha mamlakatlarda keng tarqalgan. Amalda sudxoʻrlik krediti rasmiy idoralar tomonidan tegishli ruxsatnomaga ega boʻlmagan kishilar va korxonalar tomonidan mablag’larni vaqtincha foydalanish uchun beriladi. Sudxoʻrlik krediti uchun toʻlanadigan foiz qarz beruvchi bilan qarz oluvchi oʻrtasida kelishilgan holda belgilanadi va odatda juda yuqori foizlarda beriladi. Uning darajasi oyiga 10-15 %, ayrim hollarda undan ham yuqori boʻladi. Milliy kredit tizimi rivojlanib borgan sari barcha toifadagi qarz oluvchilar ehtiyojlari tobora toʻlarok qondirilishi natijasida sudxoʻrlik krediti yoʻqoladi.
Suzib yuruvchi inflyasiya. Bunda yillik inflyasiya sur’atlari 10% dan 100% gacha, ayrim hollarda 200% gacha yetadi.Mamlakatda narx-navo tezroq oʻsa boshlaydi, iqtisodiy oʻsish sur’atlari pasayadi, ishsizlik koʻpaya boradi. Bunday inflyasiya rivojlanayotgan mamlakatlarga xosdir. Masalan, 2001-yilda Rossiyada inflyasiya -18% ni, Oʻzbekistonda esa -24% ni tashkil etgan. 2002-yil Oʻzbekistonda inflyasiya darajasi ancha pasaydi, uning oʻrtacha oylik miqdori 1,6 foizdan iborat boʻldi.
Taklif - ma’lum narx boʻyicha mavjud boʻlgan tovarlar soni.
Taklif qonuni - narx bilan sotishga chiqarilayotgan tovarlar oʻrtasidagi bevosita ya’ni, toʻg’ridan-toʻg’ri bog’liqlikdir.
Taklif egri chizig’i - narx bilan taklif oʻrtasidagi toʻg’ri bog’lanishning, ya’ni, taklif qonunining chizma ifodasi.
Tanga - metalldan yasalgan pul birligi, muomala va toʻlov vositasi. Oʻrta Osiyoda tangalar miloddan avvalgi Sh asrda muomalaga chiqarilgan. Amir Temur tomonidan XIV asrning 80-yillarida oʻtkazilgan pul islohotida toʻla qiymatli kumush tangalar zarb qilingan. Tanga lotincha moneta boʻlib, uning old tomoni - avers, orqasi-revers va qirrasi-gurt deyiladi.